|
同田會長and king又tea了,係openrice睇到喱間店既coffee唔錯,拉花又好靚,仲要有懶熊杯用呀kawaii~於是就到試下了~!
間店既位置都幾隱蔽,加上我又係一個痴路之下= =",搵左陣先搵到,原來係近小雨天既冷巷而已,細細的一間舖,大約得5~6個位(枱)到,我地去到果陣已經full晒,要等,不過個老板娘好好人呀叫我地留電話有位時就打比我地,so我地就行住街等佢打來了~!
行左一陣就打來了,好快,見到留位比我地呀~好正~不過個咖啡師(即係老板)岩岩唔得閒,唔知教梗學生沖咖啡定介紹呢......?要等一等先可以落order,都好趁喱個時候影下相~!
講下個格局,雖然係細細的一間店,不過佢既裝修一d都唔輸蝕,黑白為主既設計,牆上掛左好多幅畫同相,亦貼左唔少揮春,聽起來好似簡簡單單既設計,但砌出來既效果幾特別同幾有意思,掛係到既大部份係相and生活照(因為d相知左原來佢地是兩公婆haaaaa),so sweet and warm la~!(喱位係咖啡師Nigel+老板)~!
除左掛畫外,舖面仲擺放左唔少既小擺設同雜誌,張"留左座"既牌好攪笑呀~!
個收銀位都好引人注意,好多小玩意之外,最引人注意既係d畫and寫既字,好得意同好攪笑呀,老板娘真係好鍾意畫畫呀,"多謝支持"張memo既公仔係佢地自家創作的~!kawaii~!
令人留意既一張,大家估下佢係咩來~~~~~?
是日推介既coffee~!(之後由會長試了haaaaaaaaaaaa~!)
見到有懶熊杯呀~!
大size係似碗既杯,細size既係最右手面果個~!
個杯底係笑面來好得意,黑板上既3位應該係老板兩兄弟+老板娘了,好warm~見到喱幾個咖啡杯即有個疑問...邊款質地既咖啡杯係最保溫呢?
咖啡機~!
可能我地遲來,得返3款cake揀的,我地岩岩好3個人,每人要一件唔同款了~!
個menu,咖啡有好多款味好多選擇呀,苦惱梗飲咩好時,老板娘Heidi來了推介一下,好細心~!
飲品有咖啡,朱古力 and沙冰,食物有cake,叫左3個CAKE SET 呀~!
CAKE SET,$55,一杯咖啡+一件cake,杯咖啡(熱飲)+$3可轉大杯,於是照加了~!
因為係比懶熊杯吸引而來,so厚面皮問左可唔可以用晒懶熊杯...原來可以呀~~實在太好人了~~^0^~!用靚杯飲啡心情都靚D呀~~~~!我地有3人,有三款懶熊既杯比我地揀,我揀左碗形呀,king揀中間的,會長揀藍色果個~!
FLAVOUR MATCHA LATTE 風味抹茶咖啡~!
個拉花好靚呀,係天鵝來的,有點唔捨得飲,咖啡味道香濃,入口軟滑,奶泡幾厚身飲落好creamy,淡淡既抹茶味,帶有少少苦,唔太甜,幾鐘意喱個味道呀~!
FLAT WHITE 極細緻鮮奶咖啡,個拉花又係好靚呀,試左啖,幾重奶味,少少甜,唔錯!
橄欖OIL 柚子朱古力咖啡,是日推介,個杯好靚呀,兩面都唔同的,訓了的懶熊,白熊and小雞,kawaii~!
喱杯又係試左啖,幾like喱杯啡,朱古力香濃,又唔會好甜,加上有少少柚子香味,感覺幾特別,幾like呀~!
kawaii>3<~~~~~~~~~~~~!
三款唔同既cake,我揀左芝士蛋糕,會長揀橙味朱古力慕絲,king揀特濃朱古力蛋糕~!
紐約芝士蛋糕,喱個cake食落好軟身好滑,不過軟身得制,硬返點幾好d,芝士味香濃,唔太甜亦唔會食食下個覺得好漏,都唔錯~!
橙味朱古力慕絲蛋糕,試左點,有好香既橙味,朱古力都濃,不過個橙味太突出有點蓋過左個朱古力味....!
Opera特濃朱古力蛋糕,個cake係一層層既,面層係黑朱古力,下層有果仁,開心果蓉﹑朱古力and cream(?!)梅花間竹的排列,幾濃朱古力味又唔會好甜~!
綜合來講係一間有特色優質既咖啡店,coffee拉花好靚味道唔錯,憑個花拉咁靚就知好有心機整,感覺好專業,咖啡既味道唔錯亦好獨特,個人幾欣賞呀,cake就普通左點~!
老板娘態度親切又細心,應承我的厚面皮要求(揀杯)之餘,又細心介紹唔同既咖啡,見我地嘆到差唔多咁上下會問我地D咖啡O唔OK,好誠懇既服務呀~!
咖啡同食物方面既價錢又合理,CAKE SET仲要幾低呀,唔好既只係d櫈太高...上坐時有d唔舒服~!
可惜係....聽講間店因租約問題做到九月就唔做了....唔知會搬去邊喱><"....雖然搬出去可能係好事....不過已經深刻印象左喱間迷宮裡的咖啡店....(成日行葵涌廣場都迷路之下.....= = ")
葵芳葵富路7號葵涌廣場2樓C20舖
已搬遷:葵涌葵興葵昌路58-70號永祥工業大廈地下
感謝 味之素 提供以上資料
個人日誌: http://moritatintin.blogspot.hk/
|
