|
地區不錯的小店
|
|
Jackiess
2015-08-25
240
0
|
分享
收藏
| 友人住在大角嘴的附近，由於她剛剛懷孕不宜遠路，我們就遷就一下，來到她附近吃菜。這裡其實也容易找，只要在旺角街巿一直行到大馬路轉左就到~ 這裡的餐前小吃，花生都係普通野，不過青瓜反而有驚喜，好有自家製嘅感覺，好爽口，而且酸酸地令到我地越食越餓~ 我地先叫左個呢度馳名嘅靚煲皇嚟煲住先，諗住可以一路煲一路等埋班遲到嘅朋友，老實講呢度成8隻扇貝咁多，單係視覺效果都已經相當唔錯~ 啲湯呈奶白色，都係用粟米煲成，好清甜，所以加上面頭有啲乾嘅魷魚放上面，其實都算幾特別~ 我有個下意識，以為靚煲皇都應該係小菜，所以我地都係叫小菜為主，所以我地都係叫啲好普通嘅菜式~ 因為我覺得好普通嘅菜式先可以試到一間舖頭好唔好食。 呢碟豆豉鯪魚油麥菜我覺得真係唔錯，當然豆豉鯪魚就一定係好食架啦~ 但係油麥菜真係要用好多油煮先 好味，而呢度就做到勒，真係好香好滑，因為油麥菜一少油就好難食~ 所以呢碟野我地真係食到清哂咁滯啊~ ! 不過呢度嘅椒鹽雞軟骨$78就有啲失望嘅，我一直都會覺得係和民雞軟骨嘅質素，可惜呢度為左個賣相好睇，蘸得太多炸漿，搞到好似好大舊咁。 但係食炸漿多過食雞軟骨啲肉，椒鹽又放得唔太平均，好似只係話俾食客知：「係勒~ 我放左椒鹽架啦」交功課咁~ 可唔可以灑得平均少少呢? 呢度嘅黃金蝦$128啲蝦都算大隻，咸蛋黃平均佈滿整隻蝦，而且足夠我地5個人食。而且仲有啲蝦片伴碟，好似多左樣野食咁~ 比較欣賞佢將蝦身界開，令咸蛋黃啲味道滲哂入去，不過亦都加快蝦身熟透嘅程度，有啲老老地~ 總括嚟講，呢間地方小菜店都叫唔差，不過店員3個之中，有兩個都係新嘅，除左收野同送啲餸過嚟之外，好似都無乜野幫到個比較有經驗嘅店員，睇到都覺得有啲辛苦。
感謝 Jackiess 提供以上資料 Jackiess 的網誌: http://www.openrice.com/zh/gourmet/reviews.htm?userid=151264&city=hongkong
|
~END~
人均
$90.80
| 商店 | 靚煲皇 (旺角店) |