|
消暑聚頭好享受
|
|
Hunger Hunter
2015-06-06
400
0
|
分享
收藏
| 又到Happy Friday! 緊係要搵個好地方同朋友食飯吹水啦 之前已經聽朋友講過澳門仔呢間火鍋店 特別在 既可以食小菜 又可以食火鍋 仲要有得食串燒！ 一次過可以滿足哂三個願望喎！！ 緊係要去試下啦 今次同朋友特登揀左個海鮮鍋 湯底有沙嗲、蓄茄、黑胡椒等幾種口味可以揀 因為我地都係無辣不歡 所以今次就揀左個黑胡椒試試 火鍋到！ 非常欣賞佢地個湯底 因為夠味得黎又帶點辣 但同時唔會辣到嗆喉 連湯飲都得 真係好正！ 個鍋亦都好足料 唔單止有蝦有蟹，仲有蜆添！ 海鮮成份爆燈！ 另外仲有豬骨、粟米同蘿蔔 蟹方面不但肉厚，而且非常多膏 蝦同樣好大隻同埋好新鮮 食落非常爽口，仲有Ｄ鮮甜添！ 豬骨就更加無得輸，盡吸湯底精華，特別入味 加上有好多膠質 啱哂好需要骨膠原的女生 筆者食完覺得自己肌齡年輕了五年啊哈哈 另外我地亦叫左配料打邊爐 份量同樣很足，夠哂抵食 三個女生食得捧腹啊！ 吃火鍋之際，見到隔離台食緊炭燒豬排包 唔執輸的女生們當然叫左個開心share啦！ 個汁帶少少酸 好特別 另外豬排很大件，三個人分都夠食 個包亦都好脆同好香蒜蓉味 係難得食到的高質豬排包啊 最開心當然是甜品環節 椰汁大菜糕是久違了的童年回憶 這裡的椰汁大菜糕造型特別 打開成個椰青 入面全部都係大菜糕 食落去既時候 椰青中夾雜著少少椰子肉 感覺消暑而具新鮮感，很驚喜的食法呢 環境黎講都唔錯，唔會太逼 坐得都幾舒服 畢竟打邊爐最驚就係人在流汗食物在沸騰 所以呢度冷氣夠涼快 再飲返啖冰凍既柚子蜜 不失為消暑好享受啊！
感謝 Hunger Hunter 提供以上資料 Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong
|
~END~
| 商店 | 澳門仔火鍋串燒專門店 Macau Friend (油麻地店) |