大埔地道Oppa
|
|
Hunger Hunter
2015-04-14
289
0
|
分享
收藏
Oppa~ 呢個睇韓國綜藝節目電腦劇集學返黎既韓文 相信無人唔識 仲hit到有韓國餐廳拎黎做餐廳名 當然要「慕名」一試啦 同朋友相約在太和 踩完單車再黎食韓燒係放假的最佳享受 由地頭蟲帶路 於太和站走來大約十分鐘 雖然地點有點偏遠 但卻不阻粉絲們一見OPPA的決心啊!! 五點半就來到的我們 好好彩係無訂位的情況下都能佔一席 餐廳內環境衛生 牆上滿是可愛的油畫 看到這七彩的壁畫就讓人覺得快樂 加上餐廳內的電視都播放著韓國音樂影片 彷如置身於韓國 在享受一頓地道的韓式燒烤般 一坐低OPPA就為我們端上芽菜泡菜等前菜 又於燒爐邊淋上蛋漿 灑上泡菜 準備好小食 讓我們未下單就可以先打底 又熱心的為我們作推介 不錯唷~ Oppa推介下 我地先點左什錦牛肉 $338 牛排骨 牛肋肉 M6和牛肩胛肉 牛脷 店內精選全部可以試齊 點可以唔叫碟試下呢 最鍾意和牛肩胛肉的滑嫩 咬落幼嫩程度可以拍得住牛臉頰既滑溜 另外腌製過的牛排骨和牛肋肉份外入味 仲有Oppa過黎親自為你燒 再用雞脾菇吸走多餘油份 食落更香嫩 入口更惹味 淨係食牛肉當然唔夠喉啦 加單之際俾我地見到有部隊shake shake飯 $58 聽個名已經即刻江南style上身 原來oppa真係會係你面前shake盒飯咖! Shake完既部隊飯混滿惹味醬汁 食落係啖啖泡菜味 味道微辣 濕濕地真係零舍開胃 配料仲有雞蛋午餐肉 真係好有家的感覺! 另外Oppa炒飯$68 同樣係推介必食 Oppa們話食完韓燒會即時係你面前炒 所以食哂啲肉肉我地就即刻落單 五分鐘都唔洗 Oppa就拎住碗飯 配菜 車打芝士 同蛋醬 出現係你面前 拎住兩個飯扚 先將白飯倒落燒爐整散 落入芽菜泡菜等配料炒起 呢個時候開始聞到泡菜既惹味 帶辣的氣味衝擊嗅覺 Oppa係燒爐一邊倒上蛋醬 再碎碎灑上芝士 筆者最愛的芝士香啊 Wah! Fantastic baby! 音樂影片突然唱出呢句 完全符合筆者此時此刻的心情 Oppa將炒飯同蛋醬炒埋一齊 高速切碎打散炒飯 兩分鐘都唔洗 就有新鮮熱辣既炒飯食 泡菜味香 略帶芝士的香濃口感 仲有鹹鹽味足的海苔調味搭夠 即時炒出的炒飯食落係唔同啲既 呢個精彩表演仲吸引剛入座的隔離位觀望 感覺好似享受緊exclusive service咁啊哈哈 繼續聽住韓文歌 再飲返杯每枱都有一壺既玄米茶 大家唔洗擔心飲清水飲到口淡淡 相反玄米茶仲可以讓大量食肉的朋友消濟 呢個配搭的確唔錯 食左一個鐘都無已經感覺飽飽 離座一望 頭先五點半入黎都仲係半空的餐廳 竟然坐滿哂人! 而且門口仲好多人排隊 難怪入座時oppa就話要七點半前交枱 不過呢度的店員好好 就算食哂都無趕我地走 仲會為我地加配菜小食添 所以餐廳位置即使唔係特別就腳 仍有一眾粉絲 總有它的原因啊
感謝 Hunger Hunter 提供以上資料 Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong
|
~END~
人均
$260.00
商店 | OPPA韓國燒肉店 OPPA Korean Restaurant (大埔店) |