|
正宗韓式燒烤夜
|
|
Hunger Hunter
2015-04-02
371
0
|
分享
收藏
| 韓國燒烤愈黎愈盛行。雖然食過幾間韓燒，但要數最正宗的，還是這晚到過炑八韓烤才發現一山還有一山高。 炑八韓烤的分店愈開愈多，這間主張大夥兒一起吃肉暢飲，享受愉快時光的餐廳，憑經營理念在香港不斷發展，難怪分店一家接一家。 最近是灣仔分店新開張，筆者當然要跟朋友來湊熱鬧。分店位於鵝頸橋旁邊，都算方便。 上樓去到餐廳，見到裡面環境好寬大。 餐廳主要分成兩個部份： 一邊就係卡位為主 另一邊就係圓台為主 圓台嗰邊仲可以將啲台拍埋一齊變大台！ 最特別嘅係牆身仲有炑八御用畫家畫嘅畫 食嘢嘅時候都可以欣賞到藝術品，真係一件賞心悅目的事 點餐時發現二人套餐比散叫更抵呢！ 兩個人食當然係叫番個二人套餐 $280 另外呢度最出名就係醬油蟹$198 一定要叫返個黎食啦，於是就開始左呢個瘋狂韓燒夜 這個是專吸油煙的抽氣機，保證大家食完出黎都係香噴噴的 呢度每一枱都會有份沙律，淋上了芝麻醬令清爽的沙律菜更新鮮更fresh。 有筆者最鍾意食嘅火箭菜，當然睇到都心心眼啦。而泡菜海帶呢啲開胃小食亦俾大家食肉前打定底 泡菜仲同筆者係韓國食正宗韓燒的味道好似呢！ 筆者和朋友發現燒爐外圍有兩個大圈圈 原來一個是用來放芝士粟米 另一個就放上泡菜蛋醬 仲有一個細嘅就會放蒜頭同青椒，全部都係比大家隨時扚黎食，啱晒隨時要食野的我。 芝士微熔真的好好食啊 望到就已經諗返起之前係韓國食韓燒嘅感覺 醬油蟹絕對係今晚嘅重心 因為食韓國嘢無理由唔食醬油蟹 食法係將啲白飯撈入蟹殼裡邊，等啲飯完全吸收晒蟹殼裏面的醬汁和精華。 蟹既肉質比較腍，經醬油醃製過之後，味道不但鮮香，而且好甜。 蟹膏嘅味道都好鮮，而且份量都幾多。侍應仲教我哋要加埋紫菜一齊撈，味道的確唔錯。 加上醬油同蟹膏嘅味道比較濃，所以撈埋一齊食中和返，食落特別開胃 二人餐有七樣餸，份量都唔少 $280其實都幾抵 韓燒一開始當然要先燒豬腩肉，因為可以令佢既油份留係爐面，方便接落嚟燒其他嘢食 豬腩肉的脂肪層好滑 belly位置更是滑滑啫喱口感，食落去滋潤軟綿，口感腍身香滑。熱愛豬腩肉的朋友一定會迷上。 牛肋骨係筆者的最愛，一卷牛肉中間包住一舊骨，建議燒的時間唔洗太耐。 不停前後翻揭可以保持肉質鮮嫩，保留肉汁。 大約六七次前後燒到啡色就食得，調味過的牛肋骨好惹味，有好香的牛味。 因為我地偏好嫩身牛肉，燒的時間比較短，所以食落好幼滑。 以生菜包住黎食更加能食到爽脆中的鮮嫩，菜邊更會沾上滴滴肉汁添 真係好正！ 另外豬皮亦都非常有驚喜 燒的時候要用生菜蓋住 避免不停彈起 豬皮非常快熟 大約燒一分鐘就食得 食落爽口 而且滑滑地非常嫩身 燒到香香地更加食得出鮮嫩感 食得出好滋潤同埋溜口嘅感覺 令筆者一試愛上 必須一讚的係呢度特有的牛笑臉 食落嫩滑 食得出係好細膩嘅牛肉 感覺就好似食緊BB肉咁 而且入口鬆軟 口感很強 朋友們絕對要試試 跟餐仲每人有一支飲品 同埋開心share一個甜品 炑八豆粉紅豆冰沫 其實係沙冰上舖上一層厚厚的豆粉和杏仁片 另外一大份的紅豆上亦有粒粒麻糬 淋上煉奶食落更香甜 食嘅時候時冰涼的沙冰配合微溶的豆粉 混上甜甜的紅豆同煉奶 再加埋粒粒口感彈牙豐厚的麻糬 淨係食呢個甜品已經覺得好滿足
感謝 Hunger Hunter 提供以上資料 Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong
|
~END~
人均
$200.00
| 商店 | 炑八韓烤 (灣仔冠景樓店) |