貼錢買難受 SeeWide

同三五知己聚頭，一向識食的朋友推薦皇后冰室，食慣好野既佢就帶左我地去排隊啦。

係門口等左三個字，係等既時候我地已經諗定食咩，所以一入座就叫得。
呢度晚餐由$60-140都有，好多選擇，而且加$28仲可以有兩款小食，價錢唔貴，於是就叫到成枱野食。

餐湯餐包

皇后冰室的相片 - 旺角)

羅宋湯幾濃幾開胃，不過嫌佢太鹹，呢個亦係大部分餐廳羅宋湯的特徵。
餐包就太硬，所以我地都放棄左。

肉眼扒

皇后冰室的相片 - 旺角)

整得太熟，咬得好辛苦先食到，而且筋同肥膏太多，佔左近三分一，所以食落去既感覺真係不予置評。
薯角上碟已經唔係熱，凍哂可以話係一啲口感都無。

薯蓉焗田螺

皇后冰室的相片 - 旺角)

咁安全既小食都會出事，不但無田螺味，而且淡味到連薯蓉都無牛油同奶味，勉強食左粒所謂田螺就算。

雞翼

皇后冰室的相片 - 旺角)

一般般，無咩驚喜，亦都食唔到有咩特別，普通的瑞士雞翼。

芝士焗西蘭花

皇后冰室的相片 - 旺角)

西蘭花太硬，配唔到芝士個口感，反而芝士味道就唔錯，幾濃。

不吐不快既是呢度鍾意一次過上哂全部野食，然後冷氣校到非常大，唔知係想趕你走定staff太熱啦，只知枱上的食物好快就吹到凍哂。對住風口位既我地多番要求都不獲接納校細啲冷氣既請求，於是薯角愈黎愈硬，芝士開始就凝埋一齊，雞翼亦被瑞士汁包住。差！

============================================

感謝 Hunger Hunter 提供以上資料

============================================

~END~

商店	皇后冰室 Queen's Garden (旺角店)


(0)	(0)	(0)