|
雷聲大雨點小 - Jamie's Italian
|
|
Hunger Hunter
2015-01-11
303
0
|
分享
收藏
Jamie's Italian 開左幾個月，次次都大排長龍。今日決定同朋友去朝聖，卻意外地唔洗排隊！ 第一次黎，發現燈光略為昏黃，大概係特登營造的浪漫氛圍。見到餐廳都有幾多吉枱，雖然唔洗排隊，不過都等左十分鐘先安排到有位坐。 聽講呢度每張枱都有指定侍應去serve，所以我地揮手超過五分鐘，叫親既侍應都叫我地等等，但都無一個為我地落單。終於有個waiter理我地，好細心咁同我地解釋main dish大小proportion既分別。係佢推薦下終於成功落單。 Starter：Crab and avocado Bruschetta 份量唔多，同平時食既bruschetta唔同，一般出面食既topping會有tomatoes, cheese, meat等。 而呢度用既係牛油果，蟹肉同青蘋果等。可能有青蘋果的關係，食落口都算fresh，但牛油果就真係食極都食唔到。蟹味唔算濃，但就真係有蟹肉 （因為朋友一食蟹就敏感） 塊多士都算脆，但略嫌有啲硬，食既時候唔方便，而口感亦都唔係特別好。 Main: 1. Souid ink Spaghetti (Small) Small proportion真係得好少，大約一個拳頭咁大啦，基本上食兩啖就無。 墨魚汁意粉食得多，但上碟已經唔夠熱就第一次。由於有啲凍左既關係，所以意粉食落去口感都偏硬。味道偏淡，唔係好夠味，亦都無太大驚喜，反而有點失望。不過陪碟上既有幾粒帶子，可以過下口癮，但當然多啲會更好啦 Mushroom Risotto (Large) 侍應話大係兩個拳頭咁大，相當於細既一倍，不過出到黎就有啲差距啦。份量唔多，同樣地啲飯既質感過硬，感覺似生米，而且醬汁唔夠夠，食落去既感覺好奇怪，有啲似落得太多水既生米，姐係飯唔似飯粥唔似粥咁。由於自己一向鍾情risotto，所以對呢碟既感覺實在唔太好。 Hot Cappuccino 口感幾滑，飲落去都幾香，不過不失的熱飲，而驚喜既係上盤時竟然有埋拉花，侍應更會俾定white sugar 同brown sugar，方便你自己選擇。 食食下既時候有個女侍應係咁問我地好唔好食en唔enjoy ，相信佢就係呢張枱指定既staff。由於Jamie's唔收加一，俾唔俾同俾幾多小費俾個staff係自己決定，所以佢地啲staff都會落力討好自己枱客。雖然我地呢個速度太慢，無幫忙落單連埋單都好耐先處理好，不過最後都俾左10% tips佢。 整體黎講，Jamie來港時名氣過大，令人期望很高，而出黎既效果卻強差人意，慶幸當初無排三四個鐘去試。
感謝 Hunger Hunter 提供以上資料 Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong
|
~END~
人均
$180.00
| 商店 | Jamie's Italian (銅鑼灣店) |