|
惡夢晚餐
|
|
Hunger Hunter
2015-01-04
280
0
|
分享
收藏
| 想搵間有生蠔有鵝肝食既晚餐，見呢間葡國菜好似唔錯咁，決定呢晚同朋友去試下，諗住叫得五星級酒店自助餐，應該唔會太差既。事實卻出於意料之外。 係門口等左五分鐘都無人理，侍應好忙咁走黎走去，而門口一堆堆既客人就唯有呆呆咁企係度。隔左陣先有個侍應黎派飛，雖然話要等15-20分鐘，但既然黎到無理由唔等既。 終於入到去，台都未執就叫我地坐低。好啦，相信佢地應該係人手不足又唔想客人呆企咁等，所以俾我地坐低先，不過有得食就算啦。 侍應話如果叫鵝肝生蠔乳豬的話價錢會貴D，而飲品要任飲亦要每人加$10。雖然飲品種類唔多，不過都係加左個鵝肝生蠔乳豬任食汽水飲品任飲既SET。 出奇既係，任食紙上面可以點既野食，同出面board既唔一樣！係門面見到佢寫住好多款既食物，入到黎都無得點。 先講講期待已久既生蠔 從來未見過咁瘦咁細粒既生蠔，好薄既一片，食落1d都唔fresh，而且仲有陣腥味，完全無口感可言。叫左一次就無再加單，錢都蝕埋。 鵝肝多士 同樣地，細粒薄片既鵝肝我第一次食，而鵝肝煎出黎既油亦令人卻步三分。第一份鵝肝淋左好多汁，所以食落無咁驚嚇。但係當第二份走汁之後，見到下面塊多士既油多到瀉出黎，反哂光咁實在食得唔開胃。所以叫再兩次就無再encore。 乳豬 極度懷疑乳豬其實係咪短缺，叫左三次，每次兩份。可惜最後只食到一塊，仲要係勁多肥膏，無豬肉！因為食得太少，實在無法為呢樣食物俾評語。 刺身 我同朋友都算係鍾意食魚生，但從未試過只叫一份就stop唔再加單，款式少而唔好味係敗筆。 三文魚：都算厚切，但完全無三文魚味，而且黎既份量亦唔足。 ＂帶子＂：正確d黎講佢係貝柱，食左一舊就無食，差。 象拔蚌：好細粒而且好腥，同埋唔知點解有d鞋而唔爽。 甜蝦：比較正常既刺身，大細都算適中。 春卷：凍既...咬落去仲要凍到硬左，食唔到個餡已經唔想再食。 咖喱角：好粉好厚皮，入面算係正常，但要過五關斬六將先食到個餡。 雞串：正路。而且幾大舊肉，終於可以有d野咬下。 牛舌：軟軟熟熟，唔錯，叫左幾次都ok，如果黎既可以一試。 羊扒：黎到只食到一小口肉，不過都幾嫩，而且唔腥，不過不失啦。 除左點任食紙之外，出面都有d沙律餐湯壽司飯粉麵等任食，不過講真，睇落唔太乾淨，壽司明顯唔新鮮，所以一舊都無食過。而食物賣相都欠奉，所以提唔起興趣。 總結而言，埋單位位三百幾蚊，食左d唔新鮮唔好睇，重點係唔好食既野落肚，真係寧願買個麵包好過。 另外，漏單問題非常嚴重，連wasabi醬油都要問幾次先有，所以就算免費我都唔會再黎。
感謝 Hunger Hunter 提供以上資料 Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong
|
~END~
人均
$350.00
| 商店 | (已結業)小飛象葡國餐廳 Dumbo Portuguese Restaurant |