|
胡琳的晚飯
|
|
技巧樹熊
2015-10-15
624
0
|
分享
收藏
| 程班長，如果你係好喜歡留意飲食資訊，你應該知道這個響檔檔的名字。 佢唔係乜嘢米豬蓮，也不是什麼酒店餐廳，又不是什麼連鎖店，但不知為何就有一個強勁的魔力，係那些愛陳綺貞愛台灣的蒲點，就像clubbing界的magnum吧。 今晚放工無飯局，本來想回家做毒撚，對著電腦便算，但經過我平時很少去的荔枝角出口（我多會用南昌站，多得地鐵又故障，今晚來到了），我想想我有點想吃而其營業時間與我背道而馳的程班長。 上次來是和前度來吧，也不想想起那些回憶了，為了那口台灣的味道，一個人硬著頭皮上到來。 最適合一個毒撚食飯，全部也是一雙一對，或一班朋友，有人擺袋，毒撚就有生存的空間，多得我隔離的姐姐的hermes袋，我有得不用排隊也可取得位置一個。 在過膠的餐牌上，劃上用木顏色簽的一壹，放低六十，自助方便，不需兩分鐘，其中有一分鐘我在選擇紅燒還是清湯。 我太想念林東芳，似乎一記紅燒的味道才是最美味的標準，於是要了紅燒的半筋半肉麵。 隔離那個hermes港女不斷遊說男友買包包，唔知男仔係唔係因為買個hermes冇哂錢，定係佢食得飽，定係個女仔揸住個袋都飽，他們兩個人食一碗麵。 算啦，都係唔好八卦，雖然沒有美女陪伴，人地你一啖我一啖冬瓜茶，用嘴輸送的確把我嚇呆了，我以為在上演台式AV，佢地嘅車輪令我乍舌，長長的脷我以為有牛脷食.... 幸好，我有冬瓜茶的慰藉，我不會說冬瓜茶有冬瓜味好好喝，總之那個清新的甜，就是那舌尖上的台灣。 遠角的一處，我見到一個與我一樣的宅男，一個人食飯，睇著Ipad，佢又係不斷隔岸觀火，我唔知佢係睇到有反應定係同我一般乍舌，我們互望了兩眼，大家點點頭，除了空氣的牛肉味，那刻有股無奈在空氣中出現，平時呢度嘅文青氣息冇哂。 牛肉麵來到，我還是吃罷，無謂睇到眼火爆。 上枱便聞到那個牛肉香，湯頭聞到嗅到牛肉的大千世界味道，飲一啖湯，辣辣地而有強勁的牛肉幽香，禁不住吃了幾啖，不過，今晚覺得湯頭鹹左少少。 牛筋軟得像綿一樣，入口就溶化，那個香絕對不是平時香港雲呑店吃到的那種味，絕對係一流上等的台式牛筋，和林東芬可以平起平坐。 牛肉相對冇咁出色，不過完全唔會整得唔好，只不過牛筋太出色，這個絕對比下去，就如有LV同hermes俾車小姐選擇，佢又點選Lv呢。 自己一個人一路食，一路唔想望，於是上網分散注意力，我決定找首適合我呢一刻嘅mood嘅歌，結果我選了胡琳的一個人。 這首曲應該係做毒撚必備，一個人食飯，最適合一個人睇胡琳的一個人。 到食個麵的時候，麵條就像刀峭麵，不過，這裡的感覺較煙韌，套用台式說法，好QQ的咬口。 雖然整體都是有點鹹，但整體的好，就係令人回味，合上眼，感受到是台灣的美。 吃完麵，似乎佢地仲未嘴完，我在想，點解佢地唔去百佳呢。 可能買個Hermes就要錫番夠本，而女孩都要執行自己的責任，情到濃時，一買一賣，就如我的牛肉麵，我夠得好抵食，雖然台灣的牛肉麵平得多。 宅男繼續睇IPad，我在享受冬瓜茶的那刻，我繼續睇一個人的MV。 一個宅男，和我吃飯的是胡琳，原來，一個人食飯也不會太寂寞。 回到家，猶有餘悸，想起那味，還有那刻的空氣的牛肉味和手上還殘存的肉香，這餐胡琳的晚飯很美味。 程班長台灣美食 Cheng Banzhang Taiwan Delicacy 荔枝角長沙灣道883號億利工業中心1樓102室
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$60.00
| 商店 | 程班長台灣美食 |