我們的十週年 MORTON'S OF CHICAGO SeeWide

我們的十週年 MORTON'S OF CHICAGO

13 October, 2015

前兩日係我同Billy拍拖十週年紀念日 , 時間真係過得好快喔~ 一D都唔覺得已經一齊左十年, 感覺嫁左之後日子過得仲快左, 快到我連卜都無打就知, 跟本追唔切~ 哈哈 ! 不過黎緊我開始得閒喇, 專心靜養, 可以有時間寫下卜, 我有時好想寫返之前個D卜, 但又時又諗過左去, 寫得好似無咩意思, 拿拿聲趁熱寫左呢個十週年先 ~ :)

今個十週年Billy原本想BOOK去迪士尼住返晚食個BUFFET, 但諗諗下呢D好親子樂既感覺, 去迪士尼係帶小朋友去先開心既~ 我呢加覺得, 開始大個女喇~ 哈哈哈 ! 所以決定放棄啦 ! 食餐飯夠喇~ 反正我邊度都唔想去。

最後我地決定食呢間~ MORTON'S OF CHICAGO 餐廳好細心, 會問定係咪慶祝生日/週年紀念之類, 原來會係menu度印上慶祝字句, 真係好sweet呀 ! 好細心~

我地訂左6:30pm, 泊車遲左少少, 7:00pm先到, 一入到餐廳人唔多, 可能好少咁早食~ 大約食完8:30pm就開始好多人, 個人覺得早段時間幾好, 可以靜靜傾下計 ~ 環境好舒服~

MORTON'S OF CHICAGO

地址 : 尖沙咀彌敦道20號香港喜來登酒店4樓

我地被安排坐係望到景既位置

坐低無耐餐廳會送洋蔥包一大個, 老公太餓, 一黎食左大半個 , 不過熱熱咁上檯的確好香好軟~好味道~

係咁而上網望過有咩好食~ 我一心想飲洋蔥湯 ~

order左杯 mojito 好好飲~ 好開胃

appetizers order sea scallops & crab cake / soup order lobster soup & onion soup
前菜唔好睇見細細份, 我覺得都好夠份量, 不過海鲜我只食少少, 大部份老公食~ 哈哈~ 蟹餅超鲜好好食~勁多蟹肉~ 帶子大大粒, 好滑唔鞋~
龍蝦湯老公既, 我飲少少, 好濃滑~超正 ! 我既洋蔥湯超多料, 芝士都好多, 足料好飲

main course 就係 bone in ribeye 22oz (medium) 真係做到粉紅色, 好好味 ! 好香既肉味~ 咩都唔使落都好夠 (不過我前排食過有間係賣black angus, 仲好多, 價錢都係差唔多)
chilean sea bass 係海鱸魚, 配d 好creamy既汁~~ 好食好滑~ 不過已經俾牛扒室飽左我地~
side dishes 要左芝士薯條~ 芝士味好濃~ 好鍾意食呢個~
最後食唔哂要打包 (唔做chinapig, 食唔哂拎走)~ 哈哈

飽到一個點喇 ~~ 餐廳送俾我地既小小心意~ 甜品 Souffle作結~ 好完美喇 ! 好開心~ 多謝老公~

右下角張相係酒店餐廳送架~ 收到個下真係好開心呀 ! 哈哈哈多謝

終於黎到我地第一個十年喇 ! 真係好開心~ 我相信我大部份日子都係過得好開心, 基本上都無咩唔開心, 因為我老公真係好好, 不過我好少當面讚佢好~ 哈哈哈 ! 多謝你一路以來都咁包容我, 接納我既一切~ 又要養我真係唔簡單架~ 哈哈哈 (我妹一定拍哂手~) 下年開始我地開始好忙喇~ 不過都要一樣咁開心甜蜜 ~ 我愛你 :3

感謝仙蒂小溫太提供以上資料

個人日誌: http://cindylittlemrswan.blogspot.hk/

~END~

商店	Morton's of Chicago


抱歉，發生點錯誤。重新載入


(0)	(0)	(0)