經過尖沙咀,冇意中發現這間隱世小店,在地庫的位置,環境寧靜,睇下個餐牌,出名的動物圗案拉花咖啡,價性合理,於是試下了,平日的夜晚,好少人呀。

小小的店子,以木啡色為主,紅磚牆,花藤綠葉裝飾,藤椅子及木枱,營造了優閒寫意的感覺。

晚餐,平均食物是$57-65,加$12有飲品呀。

小貓及小豬的拉花,好可愛呀。

Cappuccino,我叫的,畫了豬給我...個樣好可愛呀,味道不俗。

Latte,Yan叫的,好可愛的貓。

香草煙三文魚意大利粉,$57,好多忌廉醬汁,香草味恰好,口感creamy,煙三文魚份量適中,味道比較偏鹹,但個人幾喜歡。

雞肉直布羅陀腸意大利粉,$57,有三條腸,份量幾多,好似比較抵食,味道不俗,忌廉蘑菇醬汁,味道好似金寶牌子,味道正常水準。

本身喜歡公仔拉花咖啡,特別有好感呢,環境寧靜,坐得幾舒服,以尖沙咀來講價格尚算便宜,吹水嘆啡之選呀。

尖沙咀加連威老道96號希爾頓大廈低層LG17