星期六放工, 同班同事仔去左元朗流浮山樂逍遙魚場，依度係一個大型魚場可容納 500 人，24 小時開放，是一大班好友玩樂的好地方仲可以即時在魚塘邊原始燒魚！正！

樂逍遙魚場位置接近后海灣，坐在塘邊都可遠眺深圳及港深西部通道的壯觀景色，對岸高廈林立，而身處卻是平靜的魚場，對比極大。

魚場釣魚同大海唔同，場內魚品種唔算多，一般只有幾十種，我釣來釣去都係鯽魚或福壽魚好似玩遊戲機咁，釣完每條魚$10加工費會用薑再包錫紙，整好就可以自己燒。

如果閒日冇咩客人，仲可以叫魚場幫幫手蒸食，這樣食魚夠新鮮吧！

這類魚場入場費一般都包括埋一定重量魚穫，以樂逍遙為例，首1斤免費，打後魚穫另議 詳情去同佢地查詢清楚. 

釣魚 $80日/竿 入場費 (包魚餌,竿自備,租竿另加$20支)