除左主打甜品外，店子都有售賣自家製爆谷、馬卡龍和蛋糕，老闆也很好的講解一些甜品款式推薦給客人。

一路都見到店員把甜品送上鄰桌，每次甜品出場時都頗震撼的，擺飾都很有心機，還有充滿效果既煙霧，每款都讓人驚嘆，相信這可以叫甜品藝術吧!?

香檸薄荷梳打$29及蜂蜜桂花茶 $29，呢度既特飲真係好有視覺效果呢! 飲品一端上黎都煙霧迷漫的，真讓小妹呢個相機食先不停狂拍。小妹點的香檸薄荷梳打放入不少片薄荷葉，入口酸酸咪咪清涼又好飲! 蜂蜜桂花茶見到不少桂花在內，入口不過甜而且很滋潤呢!

甜品餐牌，原先小妹係想送叫2-3款甜品，感覺賣相應該會很驚艷，但又想試多款味道，最終還是點了這裡的特選拼盤。

大糖鈕特選拼盤 $198

(廚師精選8款甜品，包括餐牌內5款主打甜品，3款神秘甜品)

五款主打甜品包括牛奶朱古力慕絲配甘荀茸、伯爵茶奶凍、傳統芝士蛋糕、藍莓布甸配草莓雪糕及冧酒香蕉慕思拿破崙。另外三款神秘甜品包括紅豆綠茶慕思撻、咖啡奶凍配奶茶泡沫、及70%特濃朱古力慕思，望到相片已經很期待了!

等了一會這甜品拼盤終於上檯嚕，甜品都用上一個白色大圓碟一同盛載，每款甜品都是小小一件，造型精美細緻，中間更放上了一些小甜品作裝飾，像有鈕扣造型的朱古力，還有店子自家製的棉花糖，整碟看上去美得像一幅圖畫呢，真不捨得食，所以要拍多幾張照片留念!

店子建議先由淡味開始食，我們先由冧酒香蕉慕思拿破崙開始食，拿破崙皮做得頗鬆脆，內餡的香蕉慕思入口滿滑，而且蕉味濃郁，反而冧酒的味道比想像中輕，加埋香口的合桃金寶作點綴，味道更提升了。

再來係藍莓布甸，正常版入面係藍莓流芯，初時還以為內裡同樣有流芯，所以好期待啊! 但原來迷你版係無流芯的，說真的有點失望。只有旁邊的藍莓醬配搭成藍莓布甸，但係布甸質感較實有點咬口，似蛋糕多於布甸，味道一般。配上既士多啤梨味雪糕係Movenpick牌子的，味道當然無得輸，好好食呢!

傳統芝士蛋糕，芝士味未算很濃郁，但配上藍莓醬食又不錯吃!

呢款迷你版既伯爵茶奶凍配意式薄荷西瓜冰就最特別了，上層粉紅色既係薄荷西瓜冰，據說仲有加埋西瓜皮落去打成，入口冰涼解暑，上面更放上一塊入口甜甜的黑椒脆餅作點綴。而底下既伯爵茶奶入口頗滑，滲出陣陣茶氣，特別之餘味道都唔差。

再黎係呢款紅豆綠茶慕思撻，一入口綠茶味慕思唔算重，食多幾啖就會感受到綠茶個股清香，裡頭仲加左唔少紅豆再內，底下既餅底亦都夠脆。

牛奶朱古力慕絲配甘荀茸，呢一款甜品小妹覺得特別有甘荀茸在內，但食落只有朱古力味再內，不見甘荀茸的蹤影。

這款70%特濃朱古力慕思，入口真係有好濃郁既朱古力香，質感很濃稠，帶有甘苦既味道 ，唔會過甜，小妹幾喜歡!

最後，相信這走係小妹係成個甜品拼盤中至喜歡的咖啡奶凍配奶茶泡沫，面頭既奶茶泡沫入口綿綿的，真係帶濃郁又清幽既茶香，配埋底下既咖啡奶凍同食，好食又特別!

雖然甜品拼盤裡不是每款味道都好有驚喜，但事實上某幾款既味道確實唔錯，再加埋那精緻的擺盤，確實增加了不少分數。

小糖鈕甜品專門店

地址: 元朗裕榮徑11號好旺洋樓地下10號舖

電話: 9704 0000

================================

(喜歡的，請按讚支持，是給我很大的鼓勵啊 )