好耐無與她一齊出黎食飯了，本來準備去食任食韓燒，但剛好經過力新廣場門口有人派傳吧，喜歡食刺身既她最後決定轉場，小妹係無所謂的，反正她喜歡就可以。

細看餐廳近期做緊既推廣都幾吸引的，逢於晚市5:30pm-7:30pm及 9:00pm-11:00這兩個時間入坐及及結帳更可享二人同行一人半價既優惠，而且唔需要早一日訂位，兩人加埋都係$300都唔使，小妹覺得滿抵食的。

大約六點上到去，已經有人在等待入去。臨近萬聖節，餐廳既門面及內裡的環境都已經佈置得好有氣氛，這是值得一讚的!

點菜紙由A-I，包括刺身、壽司、手卷/卷物、沙律小食、端爐燒、揚物、天婦羅、一品料理、日式火鍋、甜品/飲品。

通常第一定先點些刺身吧，餐廳有供應八款刺身，包括三文魚、鮑片、八爪魚、榮螺片、吞拿魚、魚、希靈魚和白玉豚刺身。第一轉來既刺身，餐廳會另外贈送數件三文魚腩和甜蝦，點菜紙度係沒有提供的，要注意嚕。這盤刺身擺放得頗美觀，色彩繽紛的，令人食欲大開!

先試試那賣相十分誘人既三文魚腩，三文魚腩入口順滑無筋，質感軟綿帶鮮味，油脂分佈平均，厚度亦切得剛剛好，唔會乾爭爭，回味無窮，她也讚不絕口；

甜蝦肉質咬落富彈性，而且入口鮮甜，不錯；

白玉豚係第一次係放題中見到，呈米白既顏色，肉厚且入口嫩滑細緻，食落感受到質質鮮味，而且牠具有很豐富既蛋白質、維生素A & D等，營養價值很高呢，一定要試下啊!

榮螺片咬落爽口有口勁，感覺新鮮；

軟殼蟹手卷及香蔥吞拿魚手卷，手卷咬落紫菜頗脆 (但如果放耐左就會較韌，所以要快點享用)，飯少料多，小妹就頗喜歡香蔥吞拿魚手卷，吞拿魚茸加埋惹味既香蔥同食，味道不錯。

食天婦羅至怕炸粉厚，而呢度既海老天婦羅咬落熱辣辣，天婦羅既炸粉薄之餘亦夠脆，確實唔錯! 仲有食落會鹹甜交雜著既香蕉天婦羅同樣不錯啊!

一口牛粒

牛粒加上醬汁煮後滿惹味，肉質咬落頗爽口，唔錯。

金菇牛肉卷

牛肉卷被金菇填得很滿，咬落去金菇夠晒爽脆，索索聲，但如果可以再切細舊少少會更好。

香蒜肉腸串

台灣腸既迷你版，鍾意食台灣腸既必叫，燒到熱辣辣，入口帶蜜味香蒜香，好食。

七味雞翼燒

雞肉燒得頗香，充滿七味粉既味道，雞肉頗滑多汁。

紫心香芋丸

小妹超愛既炸香芋丸，一次可以食幾粒呢! 香脆既外層包住甜甜又香既香芋蓉，必試啊，不過估唔到佢被放左係甜品紙那邊，好似放係炸物類較合適。

牛奶奶凍

入口有很濃郁既牛奶味，質感頗滑，絕對要試啊。(少少建議: 如果甜度可再稍降便更好了。)

浦和日本料理 Urawa Japanese Restaurant
地址: 荃灣青山公路269號力生廣場3樓
(荃灣青山公路269號力生廣場3樓)
電話: 2498 6828
營業時間: 星期一至日: 11:30-23:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================