寫於中秋之後 SeeWide

倒敍法之核心，告訴你結果之後才告訴你發展過程，扭橋至強，如電影<凶心人>等，令你久久不能忘懷。

今次過黎鑽石山食，係之前係荃灣食完之後，覺得真係唔錯，再翻啅。

和家人吃個簡單飯聚，又要好泊車，又要好坐，又要好食，個日荃灣店話我知，呢個地方，係唔錯的選擇。

中秋的第二日追月晚上，第日要番工，加上之前請三日假，可以放九日去轉歐洲的日子，仲要食八點半，差唔多任坐。

今次可以食啲上次食唔到嘅野。

開頭就番吃呢個冰浸苦瓜，依舊甘甜涼快美味，我越來越喜歡不用蜜糖就隨口吃，全因其滋味無窮，"今天竟吃得出那睿智愈來愈記掛"，是我越成熟，還是味覺不同了呢。
莆田的相片 - 鑽石山)

上次吃不到的有這個酥炸蟶乾，蟶子乾應該係三十年人第一次吃的東西，全因的好愛蟶子，不過，呢種食法太新奇，對我來說我喜歡又煙韌又juicy彈牙的蟶子，如果係屋企睇波送酒大概會適合一點。
莆田的相片 - 鑽石山)

土荀凍，福建名菜，自土瓜灣的廈門珠記後就未試過的美味，不過我喜歡廈門珠記多一點，呢度相對冇咁野性，味道來得高貴大方。
莆田的相片 - 鑽石山)

喜歡的還有這裡的莆田荔枝肉，荔枝味好強烈，而那些肉又不會太過肥美，還附上一些荔枝肉，吃得味道像是清一點，健康一點，有大中小你選擇，可以就人數來叫，絕對好方便。
莆田的相片 - 鑽石山)

我介紹朋友來吃，朋友介紹乎我來吃，佢推薦阿元香草雞，呢個好普通，可能期望太大，失望更大，雞肉係凍吃，所以鮮味不不大，但雞肉還是滑滑的，你喜歡食的話，可以一試。
莆田的相片 - 鑽石山)

菜類有很多，呢個金銀覓菜，應該不會是莆田的菜，這樣才試到其真功夫，這個絕對有板有眼，絕不欺場。
莆田的相片 - 鑽石山)

最後吃的當然係興化米粉，同上次一樣有好多餸而又軟綿綿的米粉，配合那個辣醬，絕對係無窮的美味。
莆田的相片 - 鑽石山)

最後都encore 左上次吃過的酥炸榴蓮，喜歡佢完全吃到榴蓮的那種美味，不過同上次在荃灣吃的一樣，其炸的油不是一些非常優質的食油，有種奇怪的油味，今次就係想試一試有冇唔同，不過除此以外，呢個都係一個不錯的甜品。
莆田的相片 - 鑽石山)

總括來說，地方和荃灣一樣舒適，地點方便，同上次朋友說過最好的優點係有泊車優惠，而且侍應服務也好。小插曲係呢次食飯佢地係埋單時候做錯左少少嘢，不過佢地嘅follow up行動都做得好足，其中一個經理李小姐的服務態度也好殷勤，絕對值得稱讚，下次去埋銅鑼灣試埋其他未吃的菜式。
莆田的相片 - 鑽石山)

莆田 PUTIEN

鑽石山龍蟠街3號荷里活廣場2樓214舖

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

人均 $178.00

商店

莆田 (鑽石山店)


抱歉，發生點錯誤。重新載入


(0)	(0)	(0)