閒名已久的華嫂冰室

但一直都無試的勇氣.................

一來個個去後都話排都排到你懞

二來就係你一係就一早去，唔係既你去到分分鐘連等位既機會都無.................

有呢個兩原因都嚇一嚇啦..............

終於有一日..............基於真係諗唔到食乜既關係

好就一於去碰下運氣啦~

大約十一點出發，駕車都需要一段時間

都唔叫好難搵既~

去到大約十一點幾左右啦~~~

係附近停低，精兵就即刻出動去買啦~~~

行入去都需要一段腳程

本身係諗住駛入去既，但又怕到時無位，所以靠人行吧~~~

行到啦~~~~果然......................人山又人海.................

睇來係景點之一既地方

終於都行到入去門口啦~~~

挑戰耐性的開始，職員見到你都好似見唔到，當然佢地都忙到自身難保啦

平時自己番工忙到痴嗰陣，都唔理到咁多野啦~~~

連俾錢找數都有條人龍，睇來都唔係間間食店做得到啦~~~

終於自己搵到個餐牌啦~~~~

信義妹醒啦~~~一拎到個餐牌睇定曬所有野，諗住搵個相對空閒既職員就叫外賣啦~

結果換來一句，"而家唔係叫外賣既時候"

呢一下............我就覺得...............我係咪應該問句"請問咩時候先係叫外賣既時候呢?"

應完呢句又走咗啦~~~

唔該...........可唔可以話我知，我點先可以叫到我想叫既外賣呢?????????

唯有再等啦~~~等到真係發曬夢................

結果，我要等到無人找數既時候，走埋去問靚女可唔可以叫外賣，我先成功叫到想叫既外賣...........

到等外賣既時候，聽到已經話無得拎籌啦~~~即係你來到都無得食~~~

再隔多十多分鐘，就聽到人地想叫外賣都無得叫啦~~~

即刻覺得自己今日好彩..............

到出餐既時候，又係挑戰大家既耐力啦~~~

好似我地咁，叫五碗麵加三個包或者再多啲既朋友

你地如果得你自己一個人買外賣既話，你地記得自己帶多個箱去..................

佢地係逐碗逐碗俾你架，包都係一份份出架

唔會兩碗一袋或者兩個包一袋架

好彩嗰日我地有兩個人去拎啫...................

唔係.............都唔知點拎

仲有佢地出單係分開曬出既，即係同一張單我就差不多前前後後等咗半個鐘

佢地係唔會出完一張單先出第二張架~~

食物快唔快有得拎就好睇你當天好唔好彩啦~

所以呢~~~個魚肉肉眼筋通粉..................番到去就無曬湯啦~

不過味道好好，好濃郁既蕃茄香味，不太酸

皮蛋芫茜豬潤肉眼筋米線，一打開都有驚喜呀~~~

超多芫茜，皮蛋，皮蛋有一隻

味道方面，芫茜湯比較清無蕃茄湯咁濃，不太鹹，

豬潤不老，幾滑

但肉眼筋質素比較差，完全無煙韌，似普通豬展多一點

另一款，大熱的芫茜皮蛋豬潤牛肉米線

牛肉既肉質鬆軟

皮蛋既質素都唔差，我地叫幾碗都有冰花皮蛋

招牌芝士咸牛肉蛋豬仔包

個包就有啲不合預期，我一心諗住係脆豬仔包，結果係軟豬仔

但味道整體配合得好，不會有太多咸牛肉令到個包過鹹

不過如果多啲芝士就好啦~~~~

到招牌菠蘿包啦~~~

呢個就真係唔係好啱我好味啦~~

因為食落係兩極..................好甜同好鹹...................

鐘意味覺極端既朋友可以一試

內裡蕃茄爽脆

總括來講，食物質素同分量都令人滿意

可惜就係員工太忙啦~~~以致服務態度欠佳

外賣包裝有好多既改善空間啊~~~