(｡･ω･)ﾉ家的感覺 ♥ 他他餐廳 ♥ SeeWide

元朗有條食街好出名，中西日甜品都有大把選擇，這天來元朗做facial前，去了一間餐廳食左下午茶，價錢同出品感覺CP值幾高的!

你沒認錯，這裡就是Sense cafe的舊舖位，元朗除了食B仔外，就係食（甜品）泥！

餐廳係用左好sharp的對比色，感覺都幾搶眼，一眼望到就覺得奇奇怪怪，可能灰牆的sense cafe 太深入民心吧！牆上掛左餐牌，色彩豐富，只嫌字體比較不明顯就是！

檯面上有不同的即棄餐具，醬汁等，另外仲有即棄手套及紙巾，都算細心

我叫左蜜汁香草雞翼，因為係即叫即做的，等左大概15分鐘左右，就見到佢出現！

老實講，金黃色的外皮，加上淡淡的香草味飄出，我真係好想趁熱咬一啖呀！

咬左一啖真係不得了，蜜汁味濃郁，味道甜甜地，雞翼外脆內嫩，熟度剛好，食落又會食到少量香草回香，我自己隊左兩隻！

另外仲叫左彩虹熱香餅，一客有五件的熱香餅，層層疊疊的如一座高樓，上面淋上不同的醬汁，再放上雪糕及Oreo 餅，我諗要至少兩個人先可以KO佢！

佢係有五片不同味道的熱香餅，當日是Oreo,朱古力，草莓，抺茶及原味

輕輕切開，見到熱香餅氣孔平均，質感也屬鬆軟，除了草莓味道假左少少，其他都不錯，

個人喜歡Oreo,抹茶及原味，朱古力味同Oreo 太相似，所以我較喜歡Oreo 味！

（每日口味也可能有分別，請向店員查詢，據聞有紫薯味，只是我那天剛好沒有）

醬汁比相像中重手，所以吃罷五片後有點膩，雪糕係Haagen Dazs ,中間夾雜左Oreo 碎，增加口感！

叫彩虹熱香餅有野飲的，我揀左冰紅茶，甜味不高飲落都幾順喉。

因為我不停在拍照，搞到老闆都想知我搞咩鬼，

傾傾下，發現這間小店一日竟開足16小時，早午晚餐也有做，真要佩服老闆們親力親為的魄力。

我真心喜歡他們的雞翼，平平實實很有家的味道，熱香餅好像是老闆兒時婆婆的拿手好菜，成個感覺好warm,如果我再大食的，我會試試芝士熱狗，澎湃湧出的芝士好吸引呢！

他他餐廳
元朗鳯攸南街9號好順利大廈地下2號舖

For Collaboration and Invitation,

Please send to : littlecatt@gmail.com

============================================

感謝 Kawai 提供以上資料

============================================

~END~

商店

(已結業)他他餐廳


(0)	(0)	(0)