|
我都曾經係"文X樓"街坊...
|
|
oasiswong
2015-11-02
628
0
|
分享
收藏
| 又收到Email, 話我重覆、濫發和利用不同食家身份喇....., 回編輯大人, 我係無辜架.... 我只係出咗一編咋, 求編輯大大大人明察呀... 今天的渡船角樓宇頗為殘舊, 但想當年, 大約四十年前, 曾經是中產階層的名牌屋苑, 就如今天的太古城, 講笑??? 梗唔係.... 太年青的閣下, 應該不知道.... 紅磡海隧未通車之前, 佐敦道碼頭是過海首選, 包括人和車(當時汽車可上船), 加上大量單位都可以看到海景, 所以有很多富裕的華僑入住, 陳寶珠當年也是住客之一. 因為此處的八座大樓, 都是以"文"字為首, 所以報紙介紹渡船角時, 多稱呼此區為"八文樓", 但在佐敦區由細住到大的街坊, 一直都稱呼其為"文嘜樓". 文英街是第二條街, 全條街八成都是食肆, 串燒或燒物店最多, 起碼七、八間, 此店門口設有有生啤出水口, 賣三款啤酒: Blanc 1664, Asahi Super Dry, Suntory Premium Malts, 以此區的串燒店而言, 這間的生啤都算選擇多了. 生啤 (Draft Beer) $62, 友人對Blanc 1664 的奶味口感甚抗拒, 最鍾情是Asahi的super dry, 我與他相反, 最愛Blanc 1664 的奶質口感, 加上有特別的果香味, 雖然兩款的酒精度都是五、六度左右, 但覺得Asahi 的酒精力量未略低. 一邊飲酒, 一邊揀食物, 這店的串燒款式超多, 就算不是最多的一間, 也是頭兩三位了, 數一數餐牌上的串燒品種, 超過一百種, 犀利啩.... 消費者.... 無得揀, 又煩, 有得揀, 都煩.... 大家研究了差不多二十分鐘, 你一句, 我一句, 都未入得單... 我暈暈地了..... 冰爽涼伴麻辣牛脷 Spicy OX Tongue, $28, 賣相甚有創意, 續層打橫打直疊起來, 頂部放了蔥花. 為甚麼牛脷的質感如此美味, 就是因為其脂肪比例高, 一般牛肉脂肪與瘦肉是分開的, 但牛脷的脂肪與瘦肉部份是結合的, 所以未煮熟前的牛脷是粉紅色. 就是因為脂肪比例高, 所以入口才如此軟滑, 加了辣度中等的麻辣醬汁, 清新兼開胃. 汁燒原隻魷魚筒 Grilled Whole Squid, $58. 你估吓, 迷你魷魚和普通魷魚, 到底那一隻膽固醇比較高?? 近年, 台灣食品檢驗中心做了一系列的海鮮營養分析, 對已去除內臟的魷魚做檢測, 發現比之前研究的數字低了三分之一, 每100g的魷魚, 只有大約150的膽固醇, 其原因是, 檢測膽固醇的方式, 如果以全隻魷魚, 包括內臟計算, 則可達至300mg的膽固醇, 但我們吃大件全隻的魷魚, 通常不會吃其內臟. 類似的錯誤數據, 也同樣出現在不同的食品營養表中, 例如, 眾人皆知, 最無益的即食麵, "鈉"含量通常都是超過2000mg, 但這是以飲晒所有湯來計算, 試問又有幾多香港人會飲晒即食麵的湯呢? 廢話講完, 講番件鮮魷, 燒過後的魷魚, 表面焦啡黃, 香口, 內裡肉質彈牙, 怕膽固醇的人少吃一點, 正所謂...我不入地獄, 誰入地獄... 等我嚟消滅佢!! 汁燒一品鮑, Grilled Abalone, $120, 一邊燒, 一邊放醬汁, 保持飽魚的濕度, 保證不會燒得過乾, 上檯時, 還看到邊位有微微的焦燶情況, 但中間的鮑魚還是保持濕潤, 鮑魚體積比一般街市賣的九孔略為大一個碼, 四人分享, 每隻一開二, 剛好, 肉質彈牙是常識吧... 燒鮮白鱔 Grilled Eel, $38, 一年四季都可吃到白鱔, 好似層經講過蔡大人的壞話, 話說蔡大人話: 海裡生活的鱔, 日本人稱為"穴子", 湖裡生活的鱔才叫"鰻", 所以日本食肆列出的"鰻魚", 都是在湖裡的. 但生物學專家有另一講法, 日本的白鰻與中國的白鱔, 是同一種生物, 其特別之處就是, 生於大海, 游到河裡成長, 成熟後又回到大海產卵. 到底是蔡大人講得啱? 還是生物專家才對? 我仍努力搵緊資料中.... 白鱔生活在鹹水還是淡水? 對我而言, 肯肯定唔緊要, 最重要的是, 師傅燒得這件白鱔鹹淡適中, 鱔皮燒得微微焦燶, 咬落香口, 肉質新鮮, 彈牙中有爽口, 調味料不單鹹淡剛好, 甜度準確, 辣度剛好. 燒特級牛仔骨 Grilled Superme Short Ribs, $28, 到韓國菜館, 食兩條燒牛仔骨, 閒閒地收你成百蚊, 這裡一條半, 三十蚊有找, 不過...無得自己燒, 當然..., 韓式或川式, 風味也不同, 難以比較, 但水準確是旗鼓相當, 價格雖平, 質素無異, 你識揀的! 黃金燒大虎蝦 Grilled Tiger Prawn with Golden Sauce, $68. 蝦型體積夠大, 開邊, 保留蝦頭, 塗上鹹蛋黃做的醬汁, 燒起後, 微微金黃焦燶, 蝦肉全不痴殼, 可以輕而易舉用叉拮起來, 蝦身沾滿鹹蛋黃蓉, 入口香濃, 鹹香惹味. 蝦頭內還留有豐富蝦膏, 友人膽固醇超標, 我好心提醒, 為健康著想, 勸諫不要吃太多. 對身體唔好既食物, 等我幫手消滅...., 正所謂....我不入地獄, 誰入地獄....(比佢拋番我, 講嚟講去都係呢句, 唔厭咩...., 哈! 頂吖!...) 燒手打免治雞肉丸 Grilled Signature Minced Chicken Ball, $26, 平日吃得最多的"雞肉軟骨捧", 雞肉軟骨球, 則是第一次吃, 無太大分別, 雞肉丸內混合了打碎的雞軟骨, 軟熟中有嚼勁, 配以日本小型鮮雞蛋, 加些少醬油攪勻, 味道一流. 燒日本黑豚蘆筍卷 Grilled Kurobuta Pork & Asparagus Rolls, $28. 薄切黑豚肉包裹著蘆筍, 外層燒得焦香的半肥瘦豚肉, 微微脆口, 內裡的蘆筍仍然保持濕潤, 入口清香又惹味. 最後一味, 黑松露香草芝士牛油焗雜菇 Baked mixed mushroom with Cheese & Butter with Black Truffle, $38. 上檯時大家已經九成飽, 錫紙包裹烤焗, 打開時香味飄逸, 多種菇類, 冬菇、雞脾菇、磨菇、金菇等等..., 芝士味濃, 配同樣味重的菇類最適知了, 焗起後才放上面的黑松露醬, 算是錦上添花, 香味再升一級.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$250.00
| 商店 | 川燒 Chuan Shao |