|
再一次大讚^^
|
|
mohkc
2015-04-04
256
0
|
分享
收藏
| 上次同朋友食完呢間BV kitchen, 每樣食品都好有驚喜, 一有同事問起邊到有好食牛扒, 我都會推介呢間餐廳, 今次朋友生日, 我用上次嘅食物相吸引佢地先^^就成功可以黎食多次啦 哈哈
Retribution $118 (4/5) 你食唔食得辣? 嗌cocktail點解會咁問哈哈, 經介紹bartender, 點了呢杯指天椒加香茅嘅飲品, 就用香茅當飲管啜一下, 面層係ginger beer, 攪勻下面切細粒嘅香茅同辣椒, 飲落好有泰式風味, 有啲似冬蔭功 黑松露芝士薯條$98 (5/5) 自從食過一道黑松露沙律, 就鐘意咗佢獨特既味道, 見有黑松露芝士薯條就緊係唔會放過 唔係用黑松露醬, 以係用黑松露碎加芝士一併焗好, 加熱後香味更得出^^ 芝士嘅連絲都好多, 點可以錯過 香煎帶子配芒果魚子醬$178 /6份 (4/5) 將帶子兩面煎至金黃色, 聞到好香海鮮味, 之前都食過, 選用嘅帶子好新鮮, 熟嘅程度岩岩好, 配搭芒果醬可中和濃味感 法式龍蝦湯$108 (4.5/5) 呢到嘅龍蝦湯真係質數數一數二, 用真材實料龍蝦肉, 好有鮮味, 令我地有信心嗌原隻波士頓龍蝦Risotto^^ 南瓜帶子Risotto $198 (4/5) 香煎帶子加上黑椒, 好味十足, 落滲落到飯面, 淨係食飯已經食得岩帶子味 汁好夠, 味道自然, 飯粒較硬身, 如果淋啲更好 無影到佢嘅爆炸糖甜甜地, 應該無一個食材可以代替到爆炸糖掛 Green spirit $98 (4/5) 得我第二日唔洗返工就可以飲多杯^^ 有橙皮加青瓜, 好清新, 酒精味可以重啲 鵝肝黑安格斯牛肉漢堡包配無花果醋汁$198 (5/5)無花果醋平均搽係焗脆嘅漢堡包內, 有助中和脂肪油膩感, 鵝肝煎過後, 中間好軟心, 有啲甘香, 芝士溶係牛肉面, 一啲都唔普通, 而牛肉肉質比較濃, 只食四分之一太少啦, 薯條有啲辣粉係面都唔錯, 返屋企比爸爸睇相, 佢都同呢個漢堡包吸引到, 約定佢下次一家去觀塘分店食 哈哈 原隻波士頓龍蝦Risotto $338 (5/5) 全晚最驚喜之作原隻波士頓龍蝦Risotto, 上枱時保留龍蝦頭與兩隻大鉗, 造型好有霸氣, 以後面就係煮到入味嘅Risotto, 呢個比起帶子南瓜Risotto較淋好容易入口, 而肉質好鮮仲有膏味, 加上芝士簡直一流, 雖然定價好似有啲貴, 但食完真係值得!! 三色果仁羊奶芝士焗澳洲羊架$368 (5/5) 羊架睇落就好似好生, 但切落無血水, 非常之好呢^^ 食得出有開心果, 合桃, 松子 (唔知岩唔岩 ) 可以增加口感之餘, 半奶芝士香味亦滲哂入去, 慢煮安格斯牛柳$288 (4/5) 睇落咁乾嘅?? 原來食落都唔會, 第一啖好鬆化, 全因為慢煮嘅效果, 配菜有雞髀菇及辣嘅紅椒, 黃椒, 帶出味道主題, 亦有焗到好juice嘅一串蕃茄, 食完先察覺旁邊有一款牛肉燒汁可以加埋落去, 咁就Perfect Chocolate opera cake $88 (3.5/5) 餐廳細心咁替我地寫上happy birthday 用Chocolate opera cake, 岩哂壽星仔心水, 甜到中規中距, 朱古力再濃味啲就再夠加好啦 推介此餐廳 5/5 今次係朋友生日飯, 廚師哥哥都記得我比個budget就幫我地決定好豐富菜色, 朋友都好滿意, 亦睇睇返小妹上次到BV到嘅食評, 有其他好推介^^ http://www.openrice.com/zh/hongkong/review/%E5%B0%96%E6%B2%99%E5%92%80-bv-kitchen-bar/2425175?tc=MYOR 平均消費$467, 5個人, 2個頭盤+2個risotto+3個主食+2個湯+3杯飲品 BV Kitchen & Bar #BVkitchen Sun-Thu: 12:00-2:00am Fri, Sat: 12:00-3:00am 尖沙咀山林道54-56號利雅商業大廈2號地舖 (尖沙咀警署對面, 山林道迴旋處盡頭) Book枱->2673 8901 分店: 觀塘
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$467.00
| 商店 | BV Kitchen & Bar |