|
漫步工廈*自會發現更好的
|
|
mohkc
2015-04-28
406
0
|
分享
收藏
| 有時揀餐廳都幾多心, 想試新野之餘又想保證好食, 約啲對食有要求嘅朋友仔食飯就仲困難, 朋友好有印象我之前食過兩次嘅BV Kitchen, 見未試過觀塘分店, 又近屋企就去試下啦
低溫澳茄水牛芝士沙律 $88 （4.5/5) 將蕃茄先去皮, 食落就唔會有層衣, 而永遠忠誠於火箭菜嘅我, 一見菜式有佢係到就加哂分哈哈, 而且好新鮮, 仲有啲蒔蘿草及黑醋多種香味, 旁邊有可愛嘅小半圓水牛芝士, 咬落好煙韌, 唔算好濃味, 等你唔好食滯住 香煎北海道帶子黑松露溫泉蛋伴野菌蒜蓉忌廉汁$168 (5/5) 好鐘意呢陣黑松露嘅味道, 就算以前唔食菇都會攞黎聞佢嘅香味, 依家慢慢學識食, 發覺佢同海鮮好夾, 因為佢有種獨特嘅濃味, 配合溫泉蛋, 將佢地撈勻後食落就更加滑!! 細心咁用牛油搽上麵包面再用慢火煎成, 代替常用嘅法包, 餐廳選用嘅比較淋, 容易把將醬汁送入口 煎辣魷魚墨魚汁意粉 $138 (5/5) 係諗緊食意粉定Risotto嘅時候, 店長就推介呢個好有泰國Fusion菜特色嘅炒意粉, 聽到個名都覺得惹味!!就試吓呢個新出品, 意粉煮到al dente 令到口感好好, 另外加咗紅椒青椒胡蘿蔔, 好爽口! 咁多蔬菜一啲都唔覺得油膩, 而魷魚面包滿香草, 好入味, 我覺得辣度有啲似瑤柱海鮮XO醬 美式燒排骨 $198 (4/5) 燒醬汁醃得好入味, 肉質爽口, 起碼有9條骨份量, 如果可以保留更多肉汁就好啦~旁邊嘅薯片係自家製ga, 刨成薄片後炸成, 口感特別唔同 推介此 4.5/5 返工及居住地方都係觀塘區, 經常都會去到商場食飯, 好多舖位都已經被大集團壟斷, 新意亦唔多, 味道工廠化, 嚟到工廠大廈附近嘅小店, 會食到配搭創新, 味道跟有個性嘅菜式, 因為餐廳嘅資產就係廚師嘅頭腦經驗及心思, 喺呢度可以更加放大, 令我好佩服, 今次點嘅菜式都好好食, 因為食過佐敦分店兩次, 對佢好有信心, 感覺環境方面可以花多啲心思增加氣氛, 如果係觀塘區不妨行入黎試吓 平均消費$148, 4個人, 2個頭盤+1個主菜+1個意粉 BV Kitchen 星期一至六: 08:00-22:00 星期日及公眾假期休息 #觀塘鴻圖道23號利登中心地舖 Tel: 2673 0498 分店：觀塘
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$148.00
| 商店 | BV Kitchen (觀塘店) |