超出預期好食
|
|
mohkc
2015-01-29
386
0
|
分享
收藏
遇到新識相識嘅朋友, 知道對方住邊之後, 都會打聽下佢住嗰區有咩好餐廳推介, hehe呢個先係我問人住邊嘅目的 , 跟住再save入openrice, 有需要嗰時一入我的餐廳, 去到邊都唔怕冇好野食啦 今日就山長水遠入嚟探個老朋友, 喺佢屋企偷師整完甜品之後就出嚟元朗, 食呢間是台灣麵 各款麵飯都係$39-47, 價錢大眾化之餘分量都幾多, 有鹵水, 小食, 酸辣麵等等, 我已經諗好食咩喇ヾ(*´∀`*)ノ 紅燒牛肉麵$47 (5/5) 牛肉-有一絲絲肉嘅質感, 整體好腍好易咬, 牛肉亦都吸收咗湯嘅香同辣, 好入味 湯-飲落少少辣, 唔係帶刺激嗰種, 而係好香嘅辣椒味, 湯好清一啲都唔油膩, 應該落左唔少功夫, 飲多少少都唔怕, 哈哈 麵- 好少食麵粉做嘅麵條會咁彈牙, 非常好, 應該手壓先有咁嘅口感 珍珠奶茶 (2.5/5) 奶茶同珍珠都甜左啲, 可能口味唔同, 只怪自己無嗌少甜, 有幾粒珍珠就硬咗啲 香酥雞扒麵$40 (4.5/5) 炸雞-雞肉厚切幾大舊下, 而炸醬都好薄,平時唔食雞脾就係驚有鐵質嘅腥味, 唔食雞脾嘅朋友就會明 , 而呢個就無嗰種感覺, 雞脾肉好嫩, 酥炸得黎又唔會好油, 不過減肥計劃都係要壓後喇(雖然好似未實行過 XD ) 拌麵-麵質比牛肉麵仲彈牙! 好似稻庭烏冬個種感覺, 我起碼咬咗十啖先吞到!
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$52.00
商店 | 士林台灣麵 |