|
weekend feel~
|
|
mohkc
2015-01-22
341
0
|
分享
收藏
| 之前參加openrice facebook搞攝影比賽, 贏咗呢間餐廳嘅五百蚊現金券, 所以就同三個朋友仔黎食返餐啦 放工放假近近地黎到係尖東, 呢邊好多開放式嘅酒吧餐廳, 同朋友傾下計好舒服 Hefe weissbier, Dunkel Hefe $75 happy hour 由5:00-7:00pm 同正價價錢相差$8-20 兩隻啤酒都唔算濃味 香軟金文畢芝士配紅莓醬$98(3/5) 芝士好香滿, 就咁食可能唔算好吸引, 不過連埋個紅苺醬就產生咗化學作用! 芝士嘅香同口感連埋紅苺醬嘅甜味令到兩者互補不足, 都唔錯, 份量都算多 野苺醬好fresh, 應該有加新鮮生果整, 我哋全部人都好鐘意 不過隻芝士可能有啲人受唔到隻味 精選拼盤$650 德國肉腸, 共有4款 (3/5) 因為餐牌無列明有咩腸, 所以用顏色代替啦 (白色) 味道淡啲, 少少香草味, 食落軟身不過個皮就難咬咗啲, 普通左啲, 配埋醬會好食啲 (深色脆皮) 食落幾香, 有少少辣, 唔點醬都好好食, 個皮好脆! (淡色) 食落口感比較鬆散, 粉粉哋嘅感覺, 有少量黑椒, 一般 (芝士腸) 最好食係哩隻, 芝士味唔會太重, 唔同坊間隨便買到嗰啲, 好食 如果怕太單調嘅話, 亦有蜜糖芥末, 黃芥末同蒜蓉辣椒醬(激似LEE錦記) 德國烤焗豬手(2.5/5) 店員跟住豬手已切開嘅刀痕, 一片一片咁切落黎, 好似睇緊表演咁 豬手醃得好夠味, 就咁食都無問題, 唔會好咸, 少少香草味, 豬手某啲位焗得好香脆, 同時又唔會太重燶味, 食落唔會好乾! 連肥膏食仲正 香脆黃金豬扒(0/5) 叮叮波仔飯級數, 乾身得嚟又唔算太多肉, 只係比波仔啲豬扒好少少 無香無脆食落好多麵粉咁, 炸得算係黃金啦(下圖其實係食淨嘅...) 香辣薯角(4.5/5) 哩個我用一句黎表達, 香脆薯皮同個香軟薯蓉兩種對立嘅口感但又可以完美咁配合到我都唔知自己講乜喇哈哈, 因為薯角用原個薯仔切粗條炸成, 所以特別有薯香 如果想飲下啤酒食snacks, 哩個係best choice之一 德國麵包餃(2.5/5) 聽店員話係先將麵包整扁再卷起, 吸收足夠牛油同蛋漿之後, 再煎成 個味似香蔥火腿包, 而個口感就似蛋tart 雖然係煎過, 但其實都好軟身, 牛油味重咗啲, 食一個已經好飽 甜品精選拼盤$138 手撕提子乾雞蛋煎餅(3/5) 個煎餅外脆內軟, 幾香蛋味, 不過好細舊, 大約食指連姆指大細, 連埋啲苺醬食好正 德國蘋果酥配雲呢拿雪糕 (3.5/5) 蘋果酥好香肉桂味, 啲餡食落好鮮, 因為有啲杏仁係入面, 食落好脆, 口感好豐富 雪糕無乜太特別, 不過一開始就俾人食晒 軟心朱古力蛋糕(2.5/5) 蛋糕焗得太耐熟得濟, 無流心嘅感覺, 不過個面焗得好脆, 而朱古力都好濃, ok na
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$288.00
| 商店 | Brotzeit German Bier Bar & Restaurant |