放工後又同幾個朋友一齊去到西環既潮福蒸氣石鍋食晚餐，幾位朋友都鍾意食海鮮，黎得呢度相信都係食海鮮多。

7點幾入到去人流未算多，但之後就愈夜愈多人。餐廳門口仲放晒各式各樣既海鮮，明碼實價，可以價岩先落單。

食得蒸氣石鍋，印象深刻必定係呢個以藤編織成的草帽當作鍋蓋，密不透風的設計，除左保溫外，更可以保留食物最原始的味道。

蒸食物前，餐廳會先將珍珠米、排骨和南瓜放入石鍋中，一邊蒸食物時，精華會流入粥底，最後變成一道美味的排骨粥底。

餐牌

等左一陣，食物陸續上檯，不過因為張檯唔夠放我地所點的食物，幫我地蒸海鮮的姐姐一路勁急咁幫我地蒸，一道未食完又開始蒸另一道，所以要食得好快，食得好急頗辛苦，唔可以慢慢享受食物，確實有點無奈。

蒜茸開邊龍蝦 $98 

開邊龍蝦同樣放上蒜茸一齊蒸，蒸好後用叉可以成條肉起上黎，咬落淡淡肉，肉質又夠彈牙，就連蝦鉗都可以拆似，味道鮮甜。

紐西蘭鑽石蜆 $148/斤

鑽石蜆入口很鮮甜，入口無沙，蜆肉頗爽口彈牙，好味!

紐西蘭元貝 $68/隻和紐西蘭聖子皇$ 48/隻都放上蒜茸和粉絲一同蒸，味道是頗惹味的，口感上雖未算超爽彈，但入口還是不錯的。

清蒸和牛(大) $288

和牛只需蒸三分鐘就食了，牛味濃郁鬆化，唔使沾醬味道已經好好，比想像中好食，小妹覺得這是必叫的!

手打鮮蝦丸 (6粒) $128

初時仲諗$128得6粒咁少都幾貴，黎到先知原來每粒份量都不少，咬落十分爽彈同足料，蝦味重，值得一試。

蒜茸蒸勝瓜 $78

本身仲諗住勝瓜蒸完會超清甜，但估唔到蒸完入口都係鞋口，而且咬落完全無汁，仲帶苦味，仲要一份收成$78，真係超級失望。

原龍蒸馬拉糕 $48

以馬拉糕作為飯後甜品，蒸完之後即刻食，熱辣辣又鬆軟。

潮福蒸氣石鍋

地址: 西環堅尼地城吉席街61號卿旺大廈地下及1樓

(港鐵堅尼地城站 B 出口, 步行約5分鐘)

電話: 25839818

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================