自從上趟在帝玉庭吃了一頓超滿足的大閘蟹宴後已跟好友約定到同酒店另一高質西餐廳City Art Restaurant吃任點任食自助餐這夜終於約齊腳去開餐嚕~                                                             自助餐星期日-四Full round(18:00-22:00)成人$568/位,小童$288/位,Half round分別(18:00-20:00)成人$378/位,小童$228/位及(20:15-22:15)成人$388/位,小童$228/位.                                      星期五,六公眾假期及前夕Full round成人$598/位,小童$288/位,Half round分別18:00-20:00成人$418/位,小童$228/位及20:15-22:15成人$428/位,小童$228/位.

清新的門面一推門入內又另一番味道幽靜而舒適的進餐環境~

我們被安排坐梳化卡坐真的超舒適不過苦了坐入面的好友進出取食物時辛苦了她們~

先帶大家睇睇自取食物先凍海鮮有麵包蟹,青口,蟹腳,翡翠螺及海蝦餐廳用碎冰放置海鮮美觀又夠冰凍~

當然少不了即開生蠔是夜供應三款Smoky Bay,Auckland Rock,Tasmania~

四款芝士,乾果~

風乾火腿,莎樂美腸,幾款凍火腿及煙三文魚~

一口前菜,新鮮沙律菜及調好的沙律~

是晚兩款西湯美國登格斯蟹肉濃湯及雜菜湯~

自助特飲區Full round$88/Halfround$68/位有橙汁,蘋果汁及紅白餐酒任飲^0^

                                     甜品區~客人如自問手勢了得可自製窩夫已有窩夫漿,機及配料供應~

椰子及什莓奶凍香芒布甸及朱古力慕絲~

多款蛋糕,焦糖燉蛋及馬卡龍~

當然唔少得雪糕Haagen-Dazs仲有4款口味

仲有清甜生果~

先來凍海鮮爆膏麵包蟹當然係首選但海蝦也實淨鮮甜,而我最愛的生蠔當中以Smoky Bay最合我意~

不愛生蠔唔緊要焗蠔選擇都有4款當中蒜蓉,芥辣勁惹味~

再來碟沙律前菜及芝士開開胃餐廳供應多款橄欖油及醋可選當中士多啤梨醋超好味~

蟹肉濃湯勁香濃另外雜菜湯也酸香好飲~

到任點麵飯,主菜及小食我哋4人決定全Menu掃晒haha~法國麵包蟹肉墨汁意大利飯伴鵝肝沒試意大利飯口感就較軟但味道不錯~

三色芝士菠菜雲吞配蟹肉忌廉汁質地煙韌小小一口挺過癮~

火腿洋蔥飲管粉伴意大利煙肉配蛋黃忌廉醬這麼長盡的名子說穿了即係Carbonara醬汁掛麵度恰當口味算幾正宗~

松露香菌三角雲吞配黑松露忌廉汁香滑三角雲吞質感軟熟襯托黑松露忌廉汁好吃得緊要係其中一樣要Encore的菜~

意式迷你牛肉肉丸薯仔麵團配蕃茄汁牛肉沒吃薯仔麵團好軟糯配香濃蕃茄汁頗醒胃~

美國登格斯蟹肉帶子天使麵配香辣蕃茄忌廉汁我不太愛吃Angel hair不過辣蕃茄忌廉汁又好對我胃口,帶子煎得香口冇熟~

煙蠔牛肝菌汁伴蒜蓉青口闊條麵咬口不錯牛肝菌汁香氣撲鼻我喜歡它~

脆炸蠔配香芒蛋黃醬外層炸得酥脆蠔肉鮮甜香芒蛋黃醬酸酸甜甜點來吃帶出合襯而美妙的化學作用~

慢燴和牛面頰配砵酒汁及香草羊架配露絲馬莉燒汁~又要交給好友品嚐了~

香煎銀雪魚配龍蝦蟹肉忌廉汁銀雪魚煎得香脆汁醬也鮮香好吃~

慢煮鮑魚配香草蒜蓉汁鮑魚淋滑香草蒜蓉汁配薯蓉食十分合襯~

四式芝士焗阿拉斯加蟹腳芝士好香濃可惜整體較重口味咗~

蟹餅配他他汁熱辣辣上檯頗滋味係第二款要Encore的菜式~

燒鵪鶉配鵝肝燒汁本身已愛吃鵪鶉香燒更加好吃~

美國肉眼配紅酒汁~

燒雞配松露燒汁雞肉沒嚡口松露燒汁吊得起味來ok啦~

黑豚豬柳配蜜糖芥末汁豬柳未算淋滑有點over~ 

小食炒菠菜清香不嚡口,蘆筍清甜右冇渣兩者也解膩好吃~

 迷你薯丸子飽已到吃不下了^0^

大家再各自取甜品生果雪糕拼湊一幅甜蜜畫面~

各樣大家一齊分吃當中那朱古力蛋糕真係十分迷人濕潤濃香其餘的質素也不錯呢~最後飽到只吃了4小球雪糕咋