已經是上個月的事了…….不管如何，還是想盡我所能，在未完全消失所有記憶前仍然會寫返「有發生過」的一二事。上年因為陀著jensonbb錯過了wine and dine festival，仔都生埋、人奶又停左終於可以棄子去暢飲一番了！

我都是認識了理性的人之後才變了酒鬼啊，剛剛出來工作同同事唱通宵K都會飲垃圾啤酒同芝華士加綠茶（那段時間飲幾杯啤酒就有醉意啦…現在….嘿嘿！）然後有段時間瘋狂愛上烈酒，蘭桂芳和酒後翠華麥當勞是我的好朋友！出發前去我最愛的平民飯堂和和先食個飽打底！計劃有小朋友後就沒怎再飲了，這次wine & dine festival 2015可謂久違了暢飲！我和理性的人都是愛酒之人，完全戒酒及no more LKF那段時間真是辛苦他了！哈哈～其實也不能真正暢飲啦，回家還要照顧BB，hangover了怎餵奶？

我們選了星期六尾二那天出發，多人到喊！單是排隊買入場卷那條隊都要40-60mins！好在一早用信用咭上網買左wine pass，最後我們一行七人買了五個pass（$200 包入費＋8個tokens＋一個玻璃杯，用建行信用咭早買減多$30）合共有40個tokens！場內一般都是1-3個tokens 換飲品不等，一入場由於太口乾就隨便換了換價值3 tokens的白酒，但又覺得3 tokens太多，於是just asked for 1 token，點知個鬼妹真係俾兩啖我XD

後來再去朋友做promoter擺檔的booth，用3 tokens可以飲5款酒（支sparking同白酒都勁好飲！！！$150 only！）再探訪一下小學同學做緊的紅酒公司換酒飲，想不到有入手！買了一支sparking回家，好sweet好好入口，諗住house warming飲…..但估計未搬之前已經開左黎飲。粉紅色架，叫boy meets girl，包裝唔靚仔，但好飲！

後段更落微雨，全場人woo hoo~~~超有氣氛的！避雨時又順勢r酒飲：1 token more more more please XDD噢，但因為這場雨，加埋酒精作怪，捱少少夜，理性的人之後病左十日……………..十日無抱仔仔，都快認不到他了！由於在場地回家要超過個半鐘，我們就沒留太夜了！（友人們下場還去蘭桂芳耶！）回到家都12點幾了….仔仔仲未訓等我們回家，叫人怎麼捨得遲回家呢。

真懷念那些年昨天發生什麼，翌日便可寫文分享的日子！先不去計算到底有多少試用文累積未寫，超過一年的產品都有，大部份更加用晒都無影！相片拍了九個幾月都不好意思補回相片；最近忙著執屋、工人姐姐的事，其實忙到顛左，但仍然想抽空跟朋友聚聚，偶而參與一下blogger活動，還想寫寫生活文、分享試用、戰利品、湊仔點滴…..有時間仲想去埋試食、試做treatment、shop visiting…..做人邊得咁貪心…去旅行簡直是妄想，留待仔仔大個少少就親子旅行啦！

所以呢，未生小朋友的你妳你妳你妳你妳你妳你妳你妳，要盡情享受瘋狂自由不受限制的生活喔！

383 total views, 34 views today

============================================

感謝 小知 提供以上資料

小知的網誌: http://siuchi.hk/

============================================