人比人 SeeWide

我們天生出來，就是會比較。

有人說，比較會增加人生的不快樂，我有一半認同，因為人比人，的確比死人，但凡事如果都比較，的確會增加進步空間，因此，我唔反對比較，特別係愛競爭的男人，當佢地面對女友的前度，自動比較mode會立刻啓動，無論樣貌，身高，工作...性能力，成就等等，無人不比，我一些的朋友，最怕男人這樣，可惜我告訴他，男人就是這樣的令人討厭。但有時候，比較是一種動力，你以為自己好好，但世界很大，如果你發現天外有天，人外有人的時候，你會找到進步的空間，人如是，食物如是，我以為鮨文是我今年遇到最好的廚司發辦，但原來西環的浪漫街頭，都有間不錯的日本店。
信州日本料理的相片 - 西環)

如果你有睇開，你就知道我很喜歡吃日本菜，當我知道西環都有omakase我又點會錯過呢。

如果以西環呢個地點，後面有無敵大海景，適合浪漫主義拍拖散步，隔離仲有泓都呢啲高檔住宅，中國有錢人的知己有不少應該住在這裡，貴客應該唔少，我覺得以$888呢個價錢真係好平好扺，於是我毫不猶豫選了貴的那個set，嘗嘗其實力有冇好似元朗那間咁令人滿意。開波就吃日本季節生蠔，單隻上的真蠔。我認識呢間小店，係因為食家南生放上去的日本真蠔，那個樣子肥美精緻，配合那些辣蘿蔔蓉，酸酸的味道配合那蠔的強烈鮮味，就係前菜已經來一個warm welcome。
信州日本料理的相片 - 西環)

三個前菜一起上，其中一個像炸物的炸喜之次，係酸白蘿蔔和胡蘿蔔絲和襯托下，係炸得香口間又不失勁多的油膩感，還好吊人胃口。
信州日本料理的相片 - 西環)

炸官魚，樣子像玩具一樣，用上有色的麵粉，就如玩具一樣，都幾好食。
信州日本料理的相片 - 西環)

汁煮鮑魚，汁煮非常入味，鮑魚有彈性，如果大隻一點一定更加吸引。
信州日本料理的相片 - 西環)

刺身有牡丹蝦，呢個牡丹蝦，完全不用你動手，大大隻而濕潤的牡丹蝦刺身上沾上了無痕跡的魚籽，每粒與蝦肉觸碰碰撞，就如男女在clubbing中的辣身舞碰碰撞撞少不免，能令你興奮，原來除了異性相吸，還有食物的性感。
信州日本料理的相片 - 西環)

鰤魚，魚油味超重，魚皮和魚肉，魚油等渾然天成一體，口腔停留就係整條魚的鮮味，我喜歡到不行，係今晚其中一個大驚喜。
信州日本料理的相片 - 西環)

北寄貝，睇個樣已經知係好新鮮嘅刺身。入口非常脆身，平時吃開的那些紅白色的雪藏同唔係最新鮮的北寄貝刺身貨色，完全行埋一邊。
信州日本料理的相片 - 西環)

拖羅，當然係魚中最有霸氣之選擇，當然是入口即溶，那有不好的理由呢，最喜歡其有點點的筋和殘餘的那絲絲的拖羅味，似有還無，如霧裡看花。
信州日本料理的相片 - 西環)

燒紅衫魚，你吃過刺身會有燒過的嗎？清清的白身紅衫魚給燒過的皮，點點的焦脆和淡淡的魚香滲透在你的嘴上，就是女孩的清純感覺。
信州日本料理的相片 - 西環)

海鮮茶壺湯。一開的味覺都一沫清清的氣味漂過，加上青檸焗一焗，裡面又有冬菇魚蛋紫菜蟹柳魚銀杏，湯頭甜甜地又帶點檸檬的鮮味，好開胃。
信州日本料理的相片 - 西環)

半燒日本鹿兒島A5和牛，半燒的和牛呈上的是美麗的pink color ，色澤和味道都是如粉紅色乳頭一樣可遇不可求。
信州日本料理的相片 - 西環)

季節燒魚，睇個樣完全唔知自己食乜，原來呢一條係呑拿魚下巴，用上蘿蔔蓉檸檬汁和特別安排的豉油去調味令魚肉有幾個層次，拆開見到呑拿魚肉絕對是肥美，肉汁又強，魚油又多。
信州日本料理的相片 - 西環)

天婦羅有三種，分別為海膽，公魚，海蝦。當然，你覺得最新鮮的一定係海膽，呢個我覺得就好似食神個薛家燕大叫好好味呀，海膽係暖暖的，係炸紫菜包圍的情況底下，那些海膽完全蓋不到那氣勢，每一口也是幸福和滿足。
信州日本料理的相片 - 西環)

海蝦係較大隻之品種，沾上了一些海鹽，蝦更有鮮味，精彩在於其唔會特別乾的品質。公魚係海膽和海蝦的精采表現下，只是普通的天婦羅貨色。

然後還有五件壽司，份量真係好多，我其實都已經半飽。
信州日本料理的相片 - 西環)

松葉蟹枊，配合那一點的蟹膏，蟹味更濃厚，不過真係要快吃，因為紫菜容易變質，就會影響觀感和口感。
信州日本料理的相片 - 西環)

深海池魚，有薑係中間作出調味，大大塊的深海池魚絕對係有質素，喜歡佢肥大肉厚，食到你肚滿腸肥。
信州日本料理的相片 - 西環)

秋刀魚，我估今天應是最適合吃吧，但沒有我上次在上岸吃的好，依舊油份強而濃味，應該是今年秋刀魚的尾車吧。
信州日本料理的相片 - 西環)

以佐目，較為粗獷而較有男人味的感覺，一點檸檬係魚皮上的，還有柚子作調味，細心便吃得到其誠意。
信州日本料理的相片 - 西環)

金目鯛，超厚身的魚肉，還要配合那勁有口感的魚皮，魚味雖然不是十分濃，但其咀嚼後的口感勁特別，簡單無調加，已經很美味，請慢慢細心咀嚼魚身魚皮混淆不清的關係。
信州日本料理的相片 - 西環)

來到了甜品時間，樣子真係好普通，當中有日本啤梨，法國種的，極端鮮甜，軟淋淋。岡山縣的提子，甜得黎有層次。綠茶蕨餅，就如平常日本的綠茶物，煙韌無比的外與內，女仔一定喜歡。

甜品的出眾絕對比鮨文吸引，都說，人比人，比死人，呢間信州絕對有驚喜給我，如果你想吃omakase又唔想過海，以一個更平價錢食一餐精彩的神秘晚餐，絕對更有驚喜。
信州日本料理的相片 - 西環)

信州日本料理 Shin Shu Japanese

西環堅尼地城爹核士街1號裕福大厦地下5號舖

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

人均 $888.00

商店	信州日本料理 Shin Shu Japanese


抱歉，發生點錯誤。重新載入


(0)	(0)	(0)