|
New Town Plaza。Simplylife Bakery Cafe
|
|
Yanomi
2015-11-13
811
0
|
分享
收藏
11月7日(星期六)~昨晚海鮮火鍋餐..老闆食剩好多牛肉 依早唔出去食野~簡單整個"越式肥牛湯米粉"比佢做早餐 下午佢話想入沙田行下街~順便上網搵定晚餐食咩呢 原本打算去"芽莊"食越南菜~諗住早少少打去訂檯 接線生話訂檯已滿~可以walk in..但要5:30pm 仲係限食1小時~真係完全接受唔到囉~家下施捨咩?! 假期想舒舒服服食餐飯..話得一個鐘~我話唔會去食 * * * * * * * * * * 見之前係又一城食過"Simplylife Bakery Cafe"都ok 所以決定試下沙田分店~不過無得訂檯..要早d排隊等位 5:45pm已經排長人龍~職員5:50pm開始登記每檯客人數 但都要等到正正6:00pm..先開始慢慢帶位~入座速度超慢 到安排我地入座時..侍應先講限食1.5小時~食店環境簡約 餐檯超細到..根本放唔到好多野~晚餐款式算多選擇 有沙律/漢堡/扒類/飯/意粉等等..岩唔岩食就好睇個人 我地order時..果位男侍應真係一絕~態度差..做野又悔氣 order完食物~先送上"餐包" 麵包好韌..要用力先分得開兩半~皮層好硬..咬到口軟 晚餐..跟上沙律/餐湯 配冰茶/汽水(+$30) 晚餐..跟上沙律/餐湯 配紅/白酒(+$45) 我地分別點"紅酒 & 白酒"(+$90) 老闆要餐湯.."蘑菇湯" 湯底好豐富蘑菇粒..質感幼滑菇味濃 我要"沙律"..食材新鮮爽脆~醋油酸酸地好開胃 老闆要個"美國自然穀飼豬扒。燒意大利黃瓜。蔬果汁"($208) 豬扒好厚身..但煎得唔夠焦~完全無焦香感 普遍食店都會配上蘋果醬茸汁..較為解膩 豬扒完全唔掂! 無黎味道..肉質超勁鞋口 燒配菜又係無焦香~調味平平..唔惹味 "燒黑鱈魚。薯蓉。燒意大利黃瓜。番茄乾酸豆橄欖醬"($198) 魚皮有焦脆感~但魚肉過熟..無肉汁 薯蓉唔算幼滑~邊位仲有一大舊薯仔未壓成蓉 醬茸味道微酸..反而帶點點鹹檸味道 整體食物沙律及餐湯好ok~主菜唔太好味 由其塊豬扒真係超唔掂! 埋單態度又係好差 女侍應會比男侍應好點~但就唔會再幫襯囉(總消費:$546)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | Simplylife Bakery Cafe (沙田店) |