約了朋友一齊係屯門打完波，打完時間又尚早（６點ＰＭ到），開始落緊小小雨，帶Ｄ秋涼，於是７個人建議去BBQ，我地SEARCH SEEWIDE 睇下附近宥邊個BBQ場好。搵到龍鼓灘海邊BBQ，反正未去過，就去試下啦。

任食價為星期一至五HKD100，星期六日及公眾假期HKD110，價錢已包1支水及1罐汽水。都算合理！

入面有FREE WIFI提供，燒完想CALL的士，他們都有相熟的的士可以提供。他們更有VIP房，適合一家大細租用，有冷氣提供的，而且房費是包了麻雀，電視，以及卡拉OK，大房HKD600/日，中房HKD300/細房HKD200/日。

當中仲有其它娛樂設施如單車，排球，如有需要可以自行付費享用。

手機無電，又忘了有尿袋，有充電服務1小時HKD10.00，另有免費泊車。

食物款式方面，跟其他BBQ場所提供的大同小異，食物都夠FRESH，不會過份醃製。

個人最LIKE他們提供的蜜糖，因為勁＂杰身＂，只要搽一層，燒出來已經有香噴噴的HONEY味。

地方都幾大，仲有部份是在海邊燒，好似每位再加HKD10左右，我地無加，因為覺得要行去洗手和拎食物都遠了呢！一來又落緊毛毛雨～

除了有攤位外，亦有個迷你版冒險樂園。

我們一行７人，俾左２包炭。問過負責人２個人有1包炭則係我地係應該有３包。如要額外則要加＄２５。００一包。

BBQ最重要都是有成班人，除左可以ＨＥＡ下閒聊下，仲可以燒好耐，海邊BBQ整體Ｄ工作人員都不會黑面或趕走Ｄ客，一班人都燒得幾盡興，１２：００ＡＭ就ＣＬＯＳＥＤ　可以搭返Ｋ５２出返市中心。

整體ＯＫ！