太平洋咖啡 Pacific Coffee Company：我的星期六美孚早餐 ~ 平添暖意 SeeWide

早前，小弟、老婆、姨仔三人行去咗星巴克嘆早餐，試咗佢嘅無花果榛子士干、菠菜西蘭花芝士批及新出嘅星冰樂，悠悠閒傾吓偈，不知幾寫意。同老婆又想重溫一下嗰份悠閒，所以，今次就揀去同區遠少少嘅太平洋咖啡。

由於既喺星期六，又喺晨咁早，所以，店內無乜人，只得幾個客，故此，就更加清靜，好讓我哋一邊食早餐，一邊睇吓書，一邊查閱吓電郵。

食物選擇都喺一啲三文治、鬆餅、麵包、酥餅之類，因為老婆都喺鍾情啲芝士批、蛋批，所以，我哋就揀咗一個全素嘅菠菜芝士卷及一個屬於白肉嘅煙三文魚羊奶芝士蛋批，啱佢偏素嘅取態。

菠菜芝士卷 $28

條芝士卷同個蛋批都幫我哋烘番熱，所以，食落條芝士卷都脆脆口，又酥香，內裡填滿菠菜芝士蓉，味道唔錯。

煙三文魚羊奶芝士蛋批 $28

個蛋批好足秤，煙三文魚粒及羊奶芝士粒清晰可見，絕無欺場，啖啖蛋香卻又有少少羊羶味，過癮乎，而批皮頗鬆化，富牛油香，批面有脆脆哋。

朱古力咖啡 $32

偏重於朱古力味，輕柔嘅咖啡香，所以，好啱老婆佢飲，加上注入奶泡，又比靜飲朱古力滑。

焦糖鮮奶咖啡 $32

先做好鮮奶咖啡，再將焦糖唧上面，但就嘥咗個心形拉花。然而，佢哋啲咖啡始終有質素，唔差得去邊，所以，咖啡入口頗香醇，慢慢滲出焦糖香。

晌度食個早餐比起晌周圍嘅快餐店或茶記食足足貴多一倍，不過，部份消費喺買個舒適環境，所以，就算食完點都要坐多一陣啦！

個人評分

味道：7/10
環境：8/10
服務：8/10
抵食：7/10
平均每人消費：HK$60

餐廳資料：
太平洋咖啡 Pacific Coffee Company
荔枝角寶輪街1號曼克頓山地下04-05號舖
2907 1234

=============================================

感謝山區麵包王提供以上資料

山區麵包王的網誌: http://garycwm.blogspot.hk/

=============================================

~END~

商店	太平洋咖啡 (荔枝角永康街店)


(0)	(0)	(0)