|
收工後輕輕鬆鬆的飯聚 ：）
|
|
Hunger Hunter
2015-11-15
231
0
|
分享
收藏
| 今日收工後，約左一個多年冇見既朋友，一齊出黎食野同行街，為左就返大家住既地方， 我地就去左觀塘ａｐｍ度行街，想搵個靜靜地既地方食下野傾下計，但又唔想食ｄ平時食開既野， 於是就上左ｏｐｅｎ ｒｉｃｅ度搵下，就搵到一間附近既餐廳：）叫做unique cafe &kitchen, 橫掂地方都唔遠，於是就上去試下！ 間野係大廈上面，人流唔多，但環境十分舒服。侍應細心地送上餐牌比我地，一打開睇睇， 餐牌上有不同既食物選擇，類別有好多，都唔知簡咩好！花多眼亂～餐廳環境很舒服很靜，收工後黎到可以靜靜地 享受呢個舒服的環境，牆上亦掛著幾幅畫作：）簡單又美觀！ 仲有個手寫既餐牌，同埋ｂａｒ台：） 侍應首先為我地送上一個羅宋湯通粉，超級讚的！味道濃郁，大大陣鮮茄味，仲有牛肉在內。 配上一小塊的餐包，十分開胃美味，餐包也有蒜容味，好香口！ 之後就點左一個健康既帶子刺身藜麥飯，清新的感覺，帶子很新鮮，口感一流！作為頭盤最合適不過 之後我地叫左牛肝菌意大利飯配溫泉蛋， 入口味道濃郁。賣相都一流，見到都流口水。 而且粒粒飯都軟綿綿的。呢個值得推介！配上蛋汁，ｊｕｉｃｙ得黎又唔會漏 食完呢個仲試左一個脆魚薯條，脆魚炸得十分香脆，一個唔夠食仲想嗌多一個 有別於出面食既脆魚，呢個魚肉味道好鮮，帶點點咸味，出面食個ｄ大多數都係得層脆皮好食，但魚就完全冇味道！ 食完呢個兩，我地又叫左一個ｓｅｔ ｄｉｎｎｅｒ，澳洲草飼安格斯西冷！一上碟時已經見到佢分好哂幾份， 方便到我地唔洗切，而且賣相都很吸引。牛扒厚切口感都十足，大大啖一口咬落去，肉汁也很多，不會干爭爭的 筋也不會太多：）最後甜品方面叫左一個藍莓芝士蛋糕，中意食芝士味既一定要叫呢個，因為實在一食落去啖啖都係 芝士的味道很ｒｉch的感覺。再配上幾粒士多啤梨同埋藍莓，酸酸的中和返芝士味！ 至於飲品方面，叫左一杯馥莓乳酪飲品，冇想像中的甜，淡淡的很清新的感覺。不過飲完成杯係有ｄ飽～哈哈 可能太大杯，而且我地又叫左好多野食：） 下次會再黎試下其他野食！推介身邊的朋友黎食：）
感謝 Hunger Hunter 提供以上資料 Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong
|
~END~
| 商店 | Unique Café & Kitchen |