暖暖身的麻辣雞煲 SeeWide

今日黎到奧海城，做完運動之後諗住同個朋友食餐好既！咁岩天氣又開始凍凍地，於是兩人就打算食雞煲暖下個身：）奧海城附近果然係好多野食，有不同既酒吧，日本餐廳等等。搵下搵下，見到一間叫做前家樂既雞煲，心諗個名夠哂特別！而且係呢個算早既時間，大概都係７點左右，已經有人係門口等住位。咁呢間野一定唔差啦，於是就決定要食呢間！

入到去，見到個裝修十分簡單，無太多花巧的裝飾，反而有一種親切的感覺。可能感覺沒有大型連鎖店個種商業化的味道吧！店內的人也住滿了７，８成，心諗，好采早少少入黎，如果唔係一陣會更加多人，有排等了。

餐單上的食物種類有好多，我地叫左一個麻辣雞煲做主菜～ｏｒｄｅｒ完格左唔洗１０分鐘，就上台了！真的很快，打開煲蓋個下，香氣撲鼻，香料十足，未食已經流哂口水。一夾起放嗖口個下，雞都已經好入味：）真得不能小看這小小的店鋪呢，實力完全反映在食物之上。

之後梗係ｏｒｄｅｒ一下店員介紹的食物黎打邊爐啦，我地分別ｏｒｄｅｒ左花膠，
響玲，日本生蠔，手打蝦肉，魷魚，酸菜。每樣食物都很新鮮，不得不讚新鮮的手打蝦肉，沒有多餘的麵粉，真材實料，中意食蝦丸的可以叫叫呢個。
仲有日本生蠔，係會令人叫完再叫。新鮮之餘仲好多汁。放落煲內滾幾滾已經食得。好鮮甜：）酸菜可以係打邊爐前嗌一碟黎開胃，醃得酸味十足，好快已經食哂。另外，花膠都切得ｓｉｚｅ岩岩好。唔似出面食有ｄ餐廳ｃｕｔ得太大塊！

坐下坐下，不經不覺８點幾，果然不出我所料，坐到成場爆滿：）而且店內員工感覺十分親切，這是小店的獨特之處吧，可以照顧好每一位客人的需要：）
前家樂餐廳火鍋店的相片 - 大角咀)

============================================

感謝 Hunger Hunter 提供以上資料

Hunger Hunter 的網誌: http://www.openrice.com/zh/gourmet/reviews.htm?userid=50295832&city=hongkong

============================================

~END~

商店	前家樂餐廳火鍋店 (原名漁民樂烤魚雞煲專門店)


抱歉，發生點錯誤。重新載入


(0)	(0)	(0)