|
荃灣。炑八韓烤 濟州海鮮
|
|
Yanomi
2015-11-25
595
0
|
分享
收藏
11月21日(星期六)~昨晚老闆家庭有聚會 係佢細佬屋企食"海鮮蒸鍋+火鍋"~坐下傾下飲下 成11點幾先走~老闆飲左唔少酒~依早又唔願起身 打亂晒我假期既計劃~假期正正常常佢會7點幾起身 如果Happy Friday有飯局+放縱飲酒~假期無12點都唔醒囉 依日等到12:30佢先起身~煮個麵佢食~睇陣電視又話瞓 真係嬲嬲地..好鬼無癮!! 15:30我都瞓晏覺當保養下 瞓到17:30起身攪掂..去"炑八韓烤 濟州海鮮"食韓燒 * * * * * * * * * * 食店地方好大~邊位設計係卡檯..中間係韓式圓檯/長檯 店內顏色配搭連燈光..感覺好warm 安坐後..店員緊密地送上沙律菜,前菜及蔬菜籃 "沙律菜"份量好多~食材新鮮..但依個無得refill 蔬菜籃 & 前菜都可以無限refill 前菜有泡菜,大豆芽,洋蔥,海帶,醃蘿蔔片 第一碟泡菜最好味~之後果d都唔夠入味 海帶/醃蘿蔔都ok~大豆芽就一般..有d豆青味 部份職員見食晒..會主動問要唔要refill~絕對唔吝嗇 爐邊有芝士粟米 & 泡菜蛋漿~都係無限refill 職員又係會主動問要唔要~refill完全無黑面+好樂意呢 因為試過某d食店話有refill~除左要叫先做..仲係黑黑地面囉 食物款式都多選擇~除左散叫..仲有好幾款套餐 我地點個"海鮮套餐"($520) 上層有扇貝(x2), 去殼蝦(x4), 珍珠貝(x4), 年糕(x4) 腸仔(半條), 少少菇類 海鮮食材除左扇貝..其他都唔夠新鮮 珍珠貝有隻變壞左要換~換過既質素都係ma ma 海鮮套餐仲有.."芝士生蠔(x4)" 老闆好like話好味~我反而覺得普通 芝士溶化晒..但d蠔又出晒水~芝士醬包裹唔到蠔肉 好似芝士水浸蠔~但蠔肉質素都可以..有蠔鮮味 反而爐邊既"芝士粟米"仲正~芝士拉晒絲..夠黏稠度 芝士鹹香又有粟米甜甜地~我鐘意食..老闆話ma ma 所以職員問要唔要refill時~佢問都唔問..就話唔要 我即刻同職員講要呀..要呀! 下層有厚LA骨(x2),炑八厚切五花腩,特製護心豬肉 LA骨好厚身~肉質都好ok 五花腩皮層本身有d韌~肉質有點鞋口 碎上既護心肉..肉質軟腍~整體醃味平均+夠入味 燒海鮮時..職員會轉用網燒~燒肉類就用返鐵板 燒年糕..燒完外層比較硬~入面都軟身..但唔算柔軟果種 "Hite生啤(x2)"($48/杯) 整體食店環境舒適~部份職員服務熱誠又親切有笑容 咁岩有人生日..仲為壽星播韓文生日歌一齊慶祝 場內氣氛好warm~雖然限食2小時..但完全無催趕 而食物方面..海鮮唔夠新鮮~醃肉味道及肉質ok 整體份量好足~refill完全唔吝嗇(總消費:$678)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 炑八韓烤 濟州海鮮 (荃灣店) |