|
食得喜食得棧
|
|
問米婆
2015-11-23
606
0
|
分享
收藏
| 這日應承了陪小朋友去大尾篤踩單車，睇水塘， 不過假日大家訓到自然醒，去到大埔火車站已經中午了， 直接在大埔火車站附近搵嘢食，補充體力 一上去便見到這間餐廳， 看看餐牌，食物種類大人小朋友都啱食，又夠飽肚， 立刻拿號碼票，等了5分鐘左右就可以入座了 餐廳內部頗大，設有普通座位及卡座， 職員安排我們一行4人坐卡座， 小朋友便可坐在裏面 裝修比一般茶餐廳較高雅，有點像茶室 而最吸引我的是牆上的“清明上河圖”， 加上懸垂的燈飾，把整個餐廳的格調都提升了 餐牌有很多選擇，以中式粥粉麵及小食為主 小朋友望到餐牌的瑞士雞翼，話好想食，於是滿足一下佢 因為第一次來這餐廳，未知份量如何 先點了一個瑞士雞翼撈麵餐及一份炸醬撈麵餐， 再加一些小食及原汁柱候牛筋腩先 職員稍後為我們添了茶水， 最初還以為是一般茶餐廳的淡到冇味的茶， 點知一飲便飲到很清香的菊花味 原來這餐廳每日都提供不同類型的養生茶， 是日便是桂花菊花茶，茶色金黃，十分吸引 哈哈，咁啱這段時間都有少少熱氣， 乘機飲多兩杯先 首先上來是原汁柱候牛筋腩 份量好多呢，筋腩份量各半 看到腩汁的顏色，便知道這腩汁有多濃了 牛腩炆很好腍同好入味，肉質鬆軟， 小朋友都可以輕易咬到 而我最愛的就是含豐富骨膠原的牛筋了 滑嘟嘟，入口溶化 炸醬麵 (午餐 $40 跟餐飲) 也是大大碟， 炸醬份量不少，佔了碟的一半 不用怕食到一半唔夠汁 最好的是還配了青菜，可補充纖維呢 而炸醬麵很重要的是麵不可煮得太腍 麵身依持保持彈牙口感，也不會有很重的鹼水味， 配埋炸醬汁，帶少少辣，令人想食多幾啖 小食方面我地揀了炸鮮魚條及秘制蘿蔔糕 炸鮮魚條-6條($42) 餐牌的圖成功吸引了我們 點 6條金黃的鮮魚條呀!! 旁邊還附上甜辣醬 咬開魚條，口感較緻密， 而中間有些小洞洞，真正用魚肉打的才會有這些洞， 太多粉漿的則不會有， 就是有這些小洞，才能keep到魚肉的鮮味在魚條內 小朋友自己都ko了一整條 這個是必點，好好味!! 秘制蘿蔔糕-3件($27) 一碟3件，品字型叠高 獨立包裝的甜醬，不怕像唧唧樽那種， 開口處積了一些已乾的甜醬，方便又衛生 蘿蔔糕煎得金黃，不會太燶冇咁熱氣，我鍾意呢 加了一些臘味，十分惹味 而且還可咬到一些蘿蔔絲 終於到小朋友order的瑞士雞翼了 因我們落單時，才剛開始午餐時段， 店員也有提醒要等10分鐘 所以剛剛在食麵時，已提醒小朋友要留肚食雞翼 一碟已有兩隻雞全翼，小朋友獨佔一隻 撈勻d麵先 撈麵汁剛剛好， 太少會不夠味，太多又會令到d麵太腍 旁邊還有一些肉臊，令撈公仔麵食落更有口感 瑞士汁帶一點點甜味，撈麵一流 雞翼煮得相當入味， 而且肉質依然嫩滑，很容易便咬得開 跟餐還有炒蛋，火腿及多士 炒蛋看來幾滑 食到咁上下，才醒起剛剛忘了點這裏的招牌鮮蝦雲吞 但係大家又好似食到8成飽， 於是追加了一個淨鮮蝦雲吞 上湯鮮蝦雲吞 ($44) 一碗大概有8隻雲吞，上面灑了少少蝦子 每隻雲吞大概是一個湯匙的大細，可以一口一隻 咬開雲吞， 中間可見原隻蝦肉，真材實料呢 大地魚湯底十分清甜，配埋爽口雲吞，真係好好味 特別要提一提這裡的湯匙柄， 設計到有一個小凹位， 可以扣在碗邊， 就唔怕湯匙會跣落碗湯度 這個豐富又美味的午餐，真的令人回味。
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
人均
$60.00
| 商店 | 喜棧 (大埔店) |