小時候與大時代 SeeWide

小時候與大時代細細個因為家人住在屯門，公公住址又係青松觀，屯門係成日去嘅地方。人越大，反而越黎越少去，以前細個家人可能會去下屯門市中心食飯，而家家人因為各有各忙，同埋始終屯門都有少少距離，我們都好少去個度食飯了。今個星期六，突然有時間經過屯門，想起小時候的一些事情，不如過黎行下，來到屯門，懷念下小時候的一些小事情，小感覺。誰知感覺真係完全唔同了，這個不是我認識的屯門了。小時候，那麼多的小店，買下文具，買下家用品，全部都係茶餐廳，酒樓，小食店，而家屯門市中心有嘅係大品牌，買衫買袋買鞋，消費的社會，時代的變遷，這樣的一個商場告訴你時代的轉變。吃的地方沒有了小店，有的是lab made ，是school food，是麵屋武藏，原來我已經老了十年，再不是那個中學時代的我，那些年代已經過去了。行行下才發現社會真的不同了，就如今年選舉，那些人和事都非常新鮮，一些經驗人士下馬，沒有從政經驗的年青人上位，這些是否也意味著社會真的已經改朝換代呢？突然，思緒越來越亂，還是唔行街，坐下吃個下午茶便算了，大時代的我們，從來都不應想得太多，更加懷念小時候的單純。係間間大型的店裡我選擇了What the Pho，商業性冇咁高，配合番屯門嘅image，加上細個從前就喜歡越南野，正中下懷。
囍越的相片 - 屯門)

我覺得，係商場可以飲越式滴漏咖啡係好正嘅事，呢度竟然有供應，令人驚喜，當然沒有北河街街市越式滴漏咖啡的好，呢度較為甜的風格我都好喜歡。
囍越的相片 - 屯門)

芒軟殻蟹米紙卷$68，呢個又係香港味較濃的一種越式菜，軟殻蟹好大舊好香脆，唔會好油份高，芒果的加入令成件事更清新，米紙薄身但又剛剛好包住大大件的軟殻蟹和芒果，好精美的樣子。
囍越的相片 - 屯門)

豬耳扎肉配蒸粉包，呢個又係細細個已經好喜歡食的，豬耳扎肉厚身而且大件，豬味濃郁，滿佈蒜蓉的蒸粉包夾著扎肉食，非常有特色而又吃得感覺實在。
囍越的相片 - 屯門)

原個椰青海鮮焗飯$88，炒飯的誠意之作，魷魚，青口，蝦肉，加上勁濃勁香的椰子味，唯一要彈的係那個椰子醬好杰，喜不喜歡見人見致，幸好炒飯底令呢個不完美變得唔突出。
囍越的相片 - 屯門)

WTP湯河粉意思即係火車頭$68，呢個係從小就鐘意食的一種越南菜，呢度嘅火車頭湯河好有就水準，特別喜歡那個湯頭而且呢個火車頭真係乜都有，牛丸，牛栢葉，牛腩，牛筋，生牛肉等等，河粉都幾滑幾大碗，好抵食。
囍越的相片 - 屯門)

牛油單骨雞中翼，這個是在openrice 的推薦，好似基本上係人人會叫的那種質素，唔叫會輸掉的選擇，個雞翼賣相非常好，樣已經贏左九條街，雞翼放人口中還是非常熱燙燙，單骨雞翼又方便，舌頭兩下就可以把骨肉分離，而且勁多牛油和蒜蓉的味道叫你好難唔鐘意，果然係推薦，集體智慧從來不會錯。
囍越的相片 - 屯門)

咖啡飲完再叫多杯青檸梳打，唯一普通左啲就係呢個，可能本身青檸梳打好難有發揮吧，不過，幾十年前應該都冇人可以想到屯門可以發揮成這樣的一個市鎮，至少，舅舅沒有想過，但我覺得對於他來說，這樣等如不方便，至少佢吃飯買日用品比從前貴很多，但當然樓也升值了很多，世事總沒有完美的。
囍越的相片 - 屯門)

凡事有得有失，大時代的我們，患得患失也是正常的吧，面對著不熟悉的屯門，飲完杯青檸梳打還是快快離開吧。
囍越的相片 - 屯門)

囍越 What The Pho

屯門屯順街1號屯門市廣場1期3271號舖

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

人均 $200.00

商店	囍越 What The Pho


抱歉，發生點錯誤。重新載入


(0)	(0)	(0)