第四晚心情 SeeWide

第四晚心情

我唔知米芝蓮對你地有乜意義，可能是搵食指標，可能是參考，可能是暴發戶飲食入戶，可能是品味飲食的天書，總之進入了米芝蓮之階梯，你就會如那些中了六合彩的幸福兒一樣。

不過當然，六合彩不用什麼努力，你買張彩票就是了，但要有米芝蓮的眷顧，就一定要有努力，而我覺得中得米芝蓮都會點都有一定的實力，並不是浪得虛名的。

如果你有睇開我啲又長又煩的食評，你就知道我今年好鐘意的其中一間食肆係來自新加坡的莆田，吃過一次之後，基本上可以用難以忘懷來形容，我唔係誇張，只不過佢真係幾好味，而且有幾個餐廳的特點我非常buy。

1.佢嘅價錢真係唔貴，我知道福建菜其實好平，但係如果以莆田呢個名，（朋友話就如利苑級數）我覺得佢定位都幾好平。

2.如果你有車，會覺得非常方便，所有分店都包泊車。

3.佢間間分店standard一樣，係來到這開分店之前，無論銅鑼灣，荃灣，鑽石山都去過，味道，份量，服務水準都一樣，而且間間都坐得舒適，和家人去過兩次佢地咁麻煩又高要求都鐘意。

當我知道將軍澳新店開幕，朋友又係呢頭約食飯，唔需要解釋，一定選擇新開的莆田，古有諸葛亮三顧茅廬，今有四顧莆田，老實說，係食方面非常貪新鮮的我一年去四次係非常非常誇張的，而且，剛巧米芝蓮的肯定絕對令我想再去回味一些喜歡的菜式。

我食第四次嘅莆田，就好似儲閃卡咁，我話過今次一定要食哂我想食嘅菜式，新歡舊愛，共治一爐，知否，第四晚心情，即刻分享。

原味燘黃瓜魚，之前去食幾次都有朋友唔食魚而冇叫到呢個出名的黃瓜魚，樣子霸氣十足，我地今晚個個鐘意食魚，魚肉非常幼滑，更附上一口魚湯，愛魚的絕對會鐘意，骨雖然都幾多，同時肉都多，但只要小心就可以，係莆田聲稱十最中，佢亦都係最清淡一員。
莆田的相片 - 將軍澳)

冰鎮鮑魚和藥膳竹筒蝦，對我來說非常期待，上兩次冇咁多人食唔到，今次食到又多樣最愛，鮑魚的溫度剛好，入口彈牙有致；竹筒蝦用上原隻的大蝦，係藥膳湯的調較下是一口鮮和藥膳的清香。
莆田的相片 - 將軍澳)

當然不能錯過冰浸苦瓜，吃幾多次都不會厭，蜜糖要不要隨便你，各人有各喜歡的吃法。
莆田的相片 - 將軍澳)

也不會錯過那過興化米粉，米粉軟軟綿綿就如綿花糖般的柔，加上那個冇得輸的辣媽醬，這個係呢度食的must check item。
莆田的相片 - 將軍澳)

還有第三次吃過的莆田扁肉湯，很喜歡這個湯頭，還有那些細細粒的扁肉丸，原來粒粒都係心機之作，吃下去你想不到原來係咁有心機的方法，今晚分享太多，下次寫番第三晚食飯才告訴你佢點做。
莆田的相片 - 將軍澳)

呢個一口醉蚶絕對是呢到最強的作品，頭兩次黎食唔到，第三次吃到後就愛到不行，之前最愛的螄蚶係老坑和潮滙館，但呢度螄蚶嘅新鮮加上多到不行鋪天蓋地的蒜蓉調味下，好食到停不到口，不過唔係人人接受，今晚我就差不多吃左一碟。
莆田的相片 - 將軍澳)

酥炒芋頭，芋頭炒得較為硬身，看你喜歡與否，不過芋頭的確香氣十足，朋友T小姐非常喜歡，吃了一舊又一舊，怪不得又係呢到另一得意菜式。
莆田的相片 - 將軍澳)

蝦苗拌紫菜，呢個好新鮮的配搭，當然中國人的智慧吃紫菜好難唔好食，蝦苗的味道慢慢滲入紫菜中，不錯。
莆田的相片 - 將軍澳)

椒鹽豬手，呢個上次吃完之後就說過今次吃一定要encore，椒鹽味道非常濃郁，豬手皮非常脆又大塊又好肉，一定要用手吃才原汁原味，吃一大隻必定會感覺非常充實豐足。
莆田的相片 - 將軍澳)

莆田鹵麵，上次食左幾次興化米粉後試的新菜，又係非常足糖，其濃濃湯頭，配合鹵麵，三樣夾埋纏綿到不行，與興化米粉難分高下。
莆田的相片 - 將軍澳)

九轉小腸，呢個係十分惹味的菜式，最喜歡其毫無豬腸味道，一啲都唔會令人討厭，又唔肥又冇乜膏，好此道者一定喜歡的。
莆田的相片 - 將軍澳)

上次吃過新加坡味的辣椒蟹當然要encore，送上饅頭呢啲基本吃法，我熟到好似番屋企食飯咁唔客氣。
莆田的相片 - 將軍澳)

莆田燜豆腐，一口煙薰的像燶味唔係人人喜歡，但我鐘意佢味道特別。呢個都係較為清新的一個菜式，係吃完啖啖肉之後吃一個齋菜絕對係一股清泉，呢個係之前從未吃過的，清清的作結，係今晚食哂所有美食的最好結局。
莆田的相片 - 將軍澳)

今晚的第四晚心情是非常滿足，黎左四次終於食到所有好食的美食，而且當你知道你喜歡的食肆得到肯定是一件高興的事，希望佢可以有多啲新菜式可以俾我試試，得我再有多啲機會探多啲你，也希望下年你可以順利摘星，再唔係推薦咁簡單。
莆田的相片 - 將軍澳)

莆田 PUTIEN

將軍澳唐賢街9號PopCorn商場1樓F94號舖

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

商店

莆田 (將軍澳店)


抱歉，發生點錯誤。重新載入


(0)	(0)	(0)