|
Tea Buffet。Cafe One(柏寧酒店)
|
|
Yanomi
2015-12-10
956
0
|
分享
收藏
12月6日(星期日)~早幾日大表弟whatsapp我 問依日食唔食tea buffet~我話去行山..推左佢 昨日落好大雨ma~表弟又whatsapp再問去唔去 我同老闆講..佢好少問完再問~唔知係咪有野同我地傾 反正星期日通常都hea過~咁是但啦! 應承表弟去食囉 約左15:15直接係Cafe One門口等~Tea Buffet由15:30-17:30 以前15:00就開始架~依家少左半個鐘(價錢$268/位) * * * * * * * * * * Tea Buffet黎講..食物款式都係咁上下~不過好多想食都有牛肉 變相食物選擇仲少d添~漢堡包/熱狗好吸引..不過有牛食唔到 聽表弟婦講..個漢堡唔好食~熱狗無人食過..唔知lu 漢堡&熱狗旁..有西餅類/多士/蛋糕仔 熱葷類..有春卷,星洲炒米,京都骨,雞翼等 中式蒸籠點心..乾蒸牛肉,燒賣,蒸餃,馬拉糕,糯米雞等 對面有沙律類,冷盤火腿等 除左冷盤火腿/牛肉外~仲有壽司剌身counter 另一邊仲有中式粉麵~近門口就係甜品,HD雪糕,軟雪糕 飲品有3款..蘋果汁,橙汁,豆漿~我覺得幾甜..飲1杯無encore lu 我同老闆鐘意食buffet~雖然唔係樣樣會/岩食&食量又少 但鐘意相聚時間夠長~同埋..食物選擇性多(=食完鹹又可以食甜點) 春卷&蝦多士好味..不過食1件夠(唔想食太多熱氣野)~小丸子都ok 星洲炒米足料+夠咖哩味~京都骨&芝士焗青口ma ma地 掛住傾..仲有個"金牌碗仔翅"無影~我唔算好鐘意食碗仔翅 不過聽聞推介..所以試少少~料足+馬碲粉完全煮溶晒 無一舊舊漿粉~幼滑好味~串燒既沙嗲醬都唔錯 沙律/刺身/冷盤火腿...全部無食~壽司食左3件 握得好夠實~食材都新鮮唔錯 pizza都整得好靚~不過係泡菜牛肉pizza..所以又食唔到 西餅類..泡菜芝士多士, 朱古力蛋糕, 鬆餅(仲有酥皮餅..無食) 本身芝士夠鹹..加埋泡菜又鹹(=都幾鹹)~朱古力蛋糕好味 軟綿綿水份適中..朱古力味夠香+最重要唔太甜 鬆餅唔夠酥香..味道唔太特別吸引 老闆既湯粉..瀨粉比較硬~其他無太大特別感 甜品類選擇唔算多~但會轉唔同款式~份量比預期大件 如果細一半..反而可以試多幾款~整體甜品都ok..唔太甜 蛋糕層質感軟綿綿~栗子甜筒唔好味..甜筒唔脆+味道好甜 甜品類仲有朱古力噴泉..最正有爆谷~有部細爆谷機即場整 整體食物不過不失~餐飲杯咖啡好香好味~座位環境舒適 服務都ok~原來表弟問朋友借左2張club member card 唔知member點計優惠~總之5個人約6折(另+10%..總消費$940)
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | Cafe One 咖啡廳 |