新一年真的有食神呢!!!

今日沾朋友的光可以食到呢餐圍村菜

... 佢話唔係咁容易訂到的，要熟客至訂到的 

手寫的菜譜 ... 好少見到呢，而家大多是 PRINTER 印製的

鮑魚汁浸三乳鴿 ... 鮑魚汁滲入乳鴿肉內，好入味

桂花銀芽抄蝦崧 ... 看似好簡單的菜式，但又好出式

蝦仁不是急凍的，是新鮮蝦逐隻剝殼，再加上銀芽抄蛋

... 因為用新鮮蝦仁，抄出嚟的蛋吸收哂蝦的鮮味，特別鮮甜 

鮮蟹肉扒玉芙蓉 ... 好足料的，仲搵到好大嚿蟹肉

杏汁鮮奶炖白肺湯 ... 成班朋友一致認為呢個係全晚最色的

好濃的杏仁味 ... 梗係喇，唔係就咁成粒南北杏去煲的，而是將杏仁磨碎後至煲湯的，我地飲到底的時候，真的飲到粒粒的杏仁碎

用咁大碟的湯渣嚟煲，怪不得個湯咁濃喇 ...

梅醬燒一字排 ... 有D似燒排骨，只是改用梅醬嚟燒

榮華臘腸鯪魚卷 ... 看似好肥膩

但臘腸配鯪魚肉出奇地夾，加埋外面的脆皮真的食到停唔到口，我都食了三件呢

咸水檸蒸大烏頭 ... 超肥美的大烏頭，好有魚味，一陣就比我地吃清光

脆皮風沙燒米鴨 ... 呢度是我最欣賞的菜式

最初以為是用糯米釀的鴨，原來呢種鴨是食米大的，所以叫米鴨

外面的鴨皮炸到香脆，皮脆肉嫩又有鴨香

呢個風沙燒鴨唔係平時食慣的蒜容辣椒粒，而是花生芝麻粒，所以冇咁熱氣

上湯素菜手打麵 ... 唔知係咪心情好，素菜麵都好食D的

絲苗砵仔飯 ... 配上美味棧的頭抽豉油和豬油，就變成 ...

好開胃的豬油撈飯

點少得 ... 鬆軟的奶皇馬拉糕

馬拉糕梗係要揀個邊食 ... 食到再飽都食得落的

甜品 ... 羗汁鮮奶炖蛋白

食埋呢個咁滋潤的甜品，真的好滿足

食之前，朋友非常擔心會食剩野

因為以她的經驗，每道菜都非常足料又大碟 ... 她次次都要食唔哂，要 PACK 走的

但估唔到今次帶了10隻大食的為食鬼去 ... 碟碟清，是唯一一次唔洗包走的