|
Christmas Collection
|
|
mjqueen7e
2015-12-12
715
0
|
分享
收藏
還有不足一個月就到聖誕節了，唔知大家準備好聖誕禮物未呢？早前見友人貼文介紹柴灣一間麵包店《the Bakery餅家》，說店裡的曲奇產品，水準不俗，尤其是蝴蝶酥和杏仁條，入口既鬆化又滿有牛油香，令人吃不停口。所以筆者亦特意瀏覽了店舖網頁，發現原來餅店除了有麵包、曲奇和度身訂造的蛋糕供應外，近日更推出了一系列聖誕產品，而且價錢唔貴，由最平的 $39 到 $128 不等，挺經濟實惠，就一於訂購幾款，趁週末去提取，和家人齊齊分享。 店舖座落於柴灣康翠臺商場，到步後發現原來這餅家只是一間裝潢普通的街坊麵包店。據店員稱，筆者所柯打的餅食，全部都要預早訂購，若 walk-in 的話，相信要失望而回。 拿著曲奇，見時間尚早，商場平台人煙稀疏，饞嘴的我就一於坐下來先取出一試，反正這天連早點也還沒吃。 首先開盒最大的，其實這罐是聖誕版薑餅人系列 (GB Man Collection) 的芝麻脆片禮盒 Sesame Crunch Gift Box ($98)，一數，共有 25 塊，每塊脆片面頭都布滿黑白芝麻，餅身咬下既薄且脆，入口充滿芝麻的濃香，用作茶點就最適合不過。 接著是三款布袋裝曲奇，分別有伯爵 Earl Grey、綠茶 Green Tea 及特濃朱古力 Dark Chocolate，每袋劃一價 $39@。三款之中，以伯爵曲奇味道最淡口，茶味說不上突出、而且餅身咬落唔夠脆口，感覺食味一般；反而青 BB 的綠茶曲奇，吃起來不但脆口又鬆化，細嚼下更有清新的綠茶香氣，配花茶同吃最佳。不過講到筆者至愛的，當然還是特濃朱古力曲奇，巧克力味濃得來卻又完全不覺甜膩，配上曲奇本身鬆脆的口感，滋味得令人將減肥大計拋諸腦後。很喜歡這幾款曲奇的包裝，不但賣相美觀，而且布袋既環保又實用，作為聖誕禮物，絕不失禮！
感謝 mjqueen7e 提供以上資料 mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong
|
~END~
人均
$215.00
| 商店 | 餅家 (柴灣店) |