蒸得是福
|
|
lucywu
2015-12-09
429
0
|
分享
收藏
近排天氣突變,溫度急降,在12月頭終於開始踏入冬天的季節,真心有d worry全球暖化等既環境問題。 而工作既地方都有好多同事因此病左,工作真係做到有氣無頂透啦........ 今晚同同事黎脹一脹肚皮,滿足一下自己先,食得是福,便是快樂。 第二次食蒸氣火鍋,今次呢間潮福有專門蒸既爐(上面有埋計時架,真潮及方便),每次咇咇咇,就會有工作人員黎幫手,服務非常貼心。 蒜容蒸元貝 $68隻;蒜容蒸龍蝦 $98隻 龍蝦特價中,$49半隻,非常抵食,啖啖肉! 元貝都好新鮮,洗得好乾淨,不過敗筆於粉絲,乾同有D硬,但元貝既鮮味好足。 蒜容蒸勝瓜 $78籠 好大籠,多到要打包,多人食既話好適合,我覺得蒜容份量可以再多d,又或者加D蝦乾瑤柱仲正。 蒜容蒸象拔妦仔 $98隻 呢個最遜色,可能細隻,所以蒸起來有D UN,好似橡根咁。 清蒸花竹蝦 $135隻 手掌咁大隻,真係好高興,好鮮甜彈牙,完全食海鮮既真締。 流浮山膏蟹 $188隻 嘩,成隻蟹都係膏,我既健康又被挑戰,但真係實個隻膏,而且又多肉,估唔到咁大隻$200都唔洗,好抵! 番薯蜆 $128斤 最好既一款,之前宦食過呢款蜆,原來叫番薯蜆,比起街市買到既當然要大很多,粒粒蒸到剛開口,鮮甜無沙。 細瑤柱淮山粥$80 粥係最尾享受既一道美食,由於吸曬所有海鮮精華,鮮甜無比,粥係似潮洲中咁既款,都夠曬稔,多d水仲好,由於係瑤柱所以有一份甜味應該係最好既粥底選擇。
感謝 lucywu 提供以上資料 lucywu 的網誌: http://www.openrice.com/zh/gourmet/reviews.htm?userid=162319&city=hongkong
|
~END~
人均
$558.00
商店 | 潮福蒸氣石鍋 (藍田店) |