|
加餸斬料
|
|
lucywu
2015-08-12
904
0
|
分享
收藏
日日都食父親大人煮嘅餸，雖然口味好但來來去去都係食嗰幾味，真係有啲悶。今個月加左人工，所以我決定買番一啲新奇，刺激，年青嘅食物返嚟加餸，邊個話一定要係斬料？ 咁啱經過大圍，上網見到呢一間都有好多好評，而且個個都讚啲刺身好新鮮，所以我決定一試。離遠就已經見到門口嗰度貼滿晒全部刺身／壽司／拉麵／天婦羅嘅相，好搶眼，一望眼就見到呢一間刺身壽司專門店，原來呢間有外送服務添呀。 好似放題咁，有張紙你剔，列晒所有嘅種類：壽司呀，軍艦呀，火炙壽司啊，小食啊，沙律，拉麵，刺身，冷麵，飲品等等，可以隨自己喜好揀鍾意食嘅食物。 屋企個兩位兩老好少食呢啲日本生冷野，成日都話驚肚痛，今次做大大啖咁食， 一定好新鮮好吸引啦因為。 赤貝$45/5件 我好鐘意食呢隻要趙既海鮮，好有口感，又超甜美 三文魚魚腩 $55/5件 油脂豐富的，充滿魚油香，濃味可口 甜蝦 $38/5件 甜味淡淡既，肉質香甜，彈牙 北寄貝$38/5件 爽甜 帶子$45/6件 超大粒帶子，唔係細粒個d，勁俾貨 刺身好滿足，食下d反卷，因為老人家少食，俾機會佢地試下 海膽三文魚反卷$45/4件 望見上面多到溜既海膽，已經留曬口水..... 肥美加肥美，雙重享受。 鰻魚忌廉芝士反卷$38/4件 最鐘意肉厚唔腥既燒鰻魚，加埋我最愛芝士，唔洗講野啦 芝士炸蝦卷 軟殼蟹反卷 呢兩款就普普通通，我唔鐘意沙律醬，早知走沙律醬， 不過炸蝦包後仍保持微脆彈牙，正 大家下次加餸可以考慮新派斬料
感謝 lucywu 提供以上資料 lucywu 的網誌: http://www.openrice.com/zh/gourmet/reviews.htm?userid=162319&city=hongkong
|
~END~
| 商店 | 千の味刺身壽司專門店 (大圍店) |