早幾天下班後, 我相約了朋友到觀塘, 為的是一包最近旅行買回來的咖啡豆 !

没想到, 這一回得到了數個意外收獲哦 ~

原來今期 APM 的聖誕公仔擺設, 係以史諾比大電影為主題的, 都叫幾得意丫.

不過 … … 我真係唔明點解史諾比都有電影呢 ?! 佢真係唔講野架喎  !

由於我剛好了一個很特別的國家, 帶回來了一包咖啡豆, 我與朋友皆没有磨豆機, 由朋友安排下, 我們來到了 My Flavor Coffee 試咖啡 ~

小店位於駱駝漆大廈之內, 下班時間異常的安靜, 没有人來人往, 沒有嘈吵,  反而是下班小聚的好地方.

My Flavor Coffee Facebook : 

從來没有想過, 帶著一包咖啡豆上門, 卻換來一個很好的體驗.

這小店的店主, 是很願意交流 及 教授咖啡知識的, 在這裡邊喝咖啡, 邊聊天, 倒是一個很悠閒卻没酒精的 happy hours.

簡單的一種咖啡豆, 兩種沖法, 出來完全不同的口味.

店主會在這裡定期舉行不同教學班, 又或三五知己相約後, 也可以聯絡店主安排上堂時間, 我想過了 new year 都會安排跟朋友們上門打擾一回 ~

還有, 店主會自己炒豆再作售賣的, 大家喜歡比較獨特口味的咖啡, 不妨上門試試, 試對了還可以買走哦 !

(講了那麼多, 大家又會唔會想知我剛去了那裡買咖啡豆呢 ?!)

這家 Gudetama Cafe 開幕了一段時間, 我都唔記得左原來就係 APM !

今回剛好碰到, 硬拉了朋友陪我入去食晚飯.

這店是跟 Izumi Curry crossover 的, 都估到會係食咖喱飯啦 !  反正這牌子的咖喱飯出品堂算穩定, 試試無妨, 結果食品味道也如意料之中, 不過不失.

能夠一回見到咁多蛋黃哥, 隻隻都樣衰衰, pae pae 咁, 都幾開心丫 ~

Gudetama Cafe Openrice Review : 

枱墊 及 Menu 都幾過癮丫 ~

我都想瞓住食 !!

食品上場, 咖喱飯賣相不錯架, 仲有蛋黃哥個衰樣係蛋皮之上 … …

這店正如我所料, 吃一次半次没關係, 不用排隊就得架啦  ~~

============================================

感謝 漂泊中的魚 提供以上資料

漂泊中的魚的網誌: http://traveling-fish.tixmart.org/

============================================