心動不如行動~又食蒸汽石鍋
|
|
問米婆
2015-12-12
261
0
|
分享
收藏
又有朋友新居入伙,本身話想打邊爐, 但為免咁快整污糟人家的新廚房, 最後決定一行6人齊齊落街食 落到街見到商場有潮福招牌,有人就話好想再食蒸氣石鍋, 聽到佢一提起,我又唸起佢地的蒸龍蝦同壓軸的粥底了, 結果心動不如行動,一齊直奔潮福 可能因為時間較早,所以都唔洗等位 原來這間分店是新開張 餐廳的主大堂主要是用來平常晚飯火鍋, 而另一邊則是蒸氣石鍋專區 所以餐牌不單有蒸氣石鍋的菜色,也有打邊爐海鮮生料 坐低後又看到這熟悉的尖尖塔 - 草帽 自選醬料corner 這裡的海鮮種類很多,呈L型海鮮區任君選擇 貝類、生蠔、羔蟹、蝦、龍蝦、蟶子、花螺等, 本來想揀返之前食過的鑽石蜆,可惜餐廳話當晚沒有, 佢推介試 海南蕃薯蜆,好似幾得意,就聽佢話試下先 我們主要都是選了海鮮,當然少不了是可以吸收海鮮精華的粥底啦!! 首先試左新款— 海南蕃薯蜆 ($128) 1斤大概12隻,我們剛好每人有2隻 話咁快就開晒口 雖然唔知蕃薯蜆哪個地方同蕃薯有關, 不過這蜆確實幾鮮甜,唔錯!! 日本大元貝皇 ($68/隻) 大大隻元貝,6隻已鋪滿隻大碟了 上面不單有生蒜蓉,還有一些炸蒜, 所以蒸出來特別香 蒸得剛剛好,蒸完都沒有縮水 粒元貝肉質非常爽口,十分鮮甜, 仲要墊底的粉絲吸收了元貝鮮甜及蒜蓉香味, 大家都話這個元貝冇得輸!! 生猛龍蝦(蒜茸蒸) ($98/隻) 因是優惠關係,每人只可享用半隻, 所以我們一行6人便點3隻 有些龍蝦還要有膏呢!! 少許的蒜蓉已能帶出龍蝦的鮮 最開心莫過於拆了成條龍蝦肉出來, 隻龍蝦好厚身,啖啖肉 話咁快又食剩隻龍蝦殼,清得好乾淨 紐西蘭蟶子皇 ($48/隻) 當我們還在努力拆龍蝦時, 店員已安排蒸蟶子皇,所以當我們食完龍蝦, 飽滿熱辣辣的蟶子已經等緊我們 用四個字可以形容這蟶子:爽脆鮮甜 這次因為男士較多,所以擔心大家淨食海鮮會唔夠飽, 點了一個蒜蓉肉蟹蒸糯米飯,多一點澱粉質 蒜蓉肉蟹蒸糯米飯 ($198) 隻肉蟹好大隻,淨係隻蟹蓋就差不多佔了蒸籠的一半面積 肉蟹下的糯米飯預先煮好,否則蒸8分鐘是不可能蒸熟這盆糯米飯 開蓋了,蟹殼已轉為紅色,讓人食指大動 店員先把肉蟹用碟裝好,肉蟹件足可舖平兩隻碟子 然後把糯米飯分裝到滿滿的6碗, 未蒸前在肉蟹件已灑了一層蒜蓉,所以開蓋後可聞到陣陣很香的蒜蓉味 但蒜茸味沒有掩蓋蟹肉的鮮甜 肉蟹大大隻又鮮甜,預設的蒸煮時間真的很perfect,蒸得剛剛好,一點都不會鞋! 糯米飯事先應已用油鹽先調了味,在蒸煮的過程又吸收了蟹肉精華, 使糯米飯不單軟熟腍糯,又充滿鮮味, 而且又係我最愛的澱粉質,下次一定要再點這個 蒜茸南瓜蒸新鮮排骨 (例-$98) 排骨除用蒜蓉醃外,還加了薑片葱段提香 不過最有驚喜的是南瓜 南瓜份外清甜,才蒸10分鐘便已經完全熟透 入口軟綿綿,完全唔需要用力咬 蒜蓉蒸勝瓜 ($78) 勝瓜以生蒜及炸蒜舖面,蒸時入晒味 新鮮排骨粥 (中-$100) 這次人多所以點了中SIZE 每次來都是最期待食粥底,整個粥底又最初煮至最後 南瓜基本已融化在粥底,夠綿又夠鮮 埋單時大家原以為每人要3百多,因為點了不少海鮮類, 意外地總數才14XX,平均每人都係2百幾 原來是餐廳新開張,8折優惠! 食完還有生果盆,這次真的太好運 每人約$250
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
人均
$250.00
商店 | 潮福蒸氣石鍋 (藍田店) |