任食燒烤呀！仲有海鮮！ SeeWide

發現新開餐廳！任食燒烤！
新橋餐廳的相片 - 尖沙咀)

入到大廈就見到呢個牌
新橋餐廳的相片 - 尖沙咀)

沿路有指示點樣行

終於搵到啦！

去到岩岩開門，都幾寬敞
新橋餐廳的相片 - 尖沙咀)

仲有幅好靚既畫

另外仲有室外呢！聽店員講如果多人就可以包哂出面個場然後有專人負責燒野食
新橋餐廳的相片 - 尖沙咀)

餐廳另一邊有飛鏢玩

呢間任食燒烤唔係自己bbq架，係有人燒埋畀你食，任嗌野食野飲任飲！每位$380
新橋餐廳的相片 - 尖沙咀)

坐低先嗌杯凍檸茶解下渴先，之後就開始食海鮮啦

半份波士頓龍蝦，呢個唔係任食，係每人送半份，都幾大隻

上面係芝士，好香，龍蝦肉容易起唔痴殼，爽口鮮甜。

之後食燒生蠔同原隻元貝，元貝上面有牛油同蒜蓉焗，但食果時依然食到元貝既鮮甜味，唔會蓋過，生蠔新鮮，但略嫌上面既醬料太多少少蓋過生蠔既味

秋刀魚，擺盤好靚，不嬲好怕食秋刀魚，但呢個燒完拎出黎好香，最重要係佢好容易條骨起左，唔怕會食到骨

海蝦，肉質都唔錯，但有d痴殼

食完海鮮食肉類啦！！！

豬扒，呢個相當唔錯，燒得岩岩好，唔會過熟，而且調味係岩岩好，一路食都唔係問題

牛脷，呢個我唔食，但男朋友覺得唔錯

雞扒，皮燒得香脆，而且雞肉係好Juicy，即使燒都無令肉汁流失到，相當好。

豬爽肉，調味岩岩好，有咬口。

金菇肥牛卷，最中意食呢個！肥牛既油脂令到成件野好惹味，仲有大愛金菇，兩者點解可以咁夾！

雞中翼，燒野食點少得雞翼呀？我平時燒野食最怕燒雞翼，因為要燒好耐又唔知點解成日好易燶，今晚可以係咁嗌雞翼又可以食到BBQ既味，呢個雞翼已經調好味，燒得香脆又Juicy呢

牛扒，睇個樣以為會好un，點知食落竟然易咬仲好腍，好驚喜！
新橋餐廳的相片 - 尖沙咀)

呢碟完全係平時燒野食必食既野啦！有腸仔、魚蛋、牛丸、墨魚丸、司華力腸、芝士腸…全部面頭都搽左蜜糖架，完全係BBQ既味道！
新橋餐廳的相片 - 尖沙咀)

最後食蔬菜，夠新鮮食到鮮甜蔬菜味，粟米都好甜呀！

牛油蒜蓉焗雜菇，平時最中意牛油蒜蓉焗金菇，估唔到雜菇都正喎，舊舊菇都有牛油香，而且夠哂熱。

============================================

感謝 poortravellers 提供以上資料

============================================

~END~

人均 $380.00

商店	(已結業)Pont Neuf Restaurant


(0)	(0)	(0)