芋圓又出動！ SeeWide

如果你問我有幾掛住台灣既美食，我會答你「超掛住」，特別係台灣既芋圓！係香港想食芋圓都真係唔係一件易事，搵極都搵唔到，搵到又未必好食喎！

點解會揀黎呢間？就係因為係網上面見到呢間有彩虹芋圓，仲記得之前去台灣係九份食過，之後就再無見過啦，估唔到係香港可以搵到台灣既味道！

呢間既裝修真係有幾份於客棧，好有氣氛

連餐牌都係寫住「客官」，令到自己好似睇到「小倩」咁
揀野食果時店員見到我諗左好耐都唔知揀沙冰定豆花好，最好佢介紹沙冰話靚d，一聽到「靚d」，二話不說即刻嗌左，女人係咁架啦

彩虹綜合圓黑糖沙冰($38)
見到彩色既芋圓心情都好d

仲有超多紅綠豆同黑珍珠，黑糖沙冰唔會過甜，食哂成碗都無問題，芋圓係偏硬既口感，幾煙韌，食完真係有感覺到台灣既感覺，完全可以encore呀
朋友嗌左碗自選養生花($34)

係自己揀配料，揀左凍黑豆腐花+紫米+小丸子+手工芋圓地瓜圓+杞子龍眼肉+養生黑糖水，豆花加任選4款配料$34，幾抵食，黑豆香味重，而且滑

芋圓、地瓜圓幾煙韌，配埋糖水微微甜

龍眼肉份量亦唔少，煮得岩岩好，唔會過硬或者過腍，食哂成碗覺得好健康呀
食完就梗係拎埋張單出去埋啦

係呢個時候竟然發現到有優惠！下次帶埋屋企既妹妹黎先
題外話/補充資料
逢星期一至五下午三時至七時（公眾假期除外），凡穿校服者可獲85折優惠

============================================

感謝 poortravellers 提供以上資料

============================================

~END~

人均 $40.00

商店

227甜棧


(0)	(0)	(0)