|
極高質素*AMMO
|
|
暴食小公主
2015-11-20
417
0
|
分享
收藏
| 前排係小公主同男友既拍拖紀念日 咁梗係要搵個地方好好地慶祝一下 男友一早揀左係金鐘既AMMO 係PP行上去都有一段距離 仲要係斜路，建議女士們唔好著高爭鞋去 唔係都幾辛苦 雖然果日係星期5 不過我地到既時候都未坐滿 裝修好靚，門口全部係玻璃，好有空間感 而入面用左d深色既 ‘雲石’ 配埋d燈，成個氣氛好有情調 d麵包全部都好軟熟 但最正係佢個醋 勁幼滑、溫馴，小小嗆喉都無 Crispy Baby Squid $98 首先叫左兩個tapas食下先 呢個Baby Squid就真係有D失望 因為D魷魚真係細粒到好似出左世3日咁 加上炸過會收縮，其實大部分時間我正係食到D炸粉 第一個菜就已經失望，唔通呢到正係得個樣? 答案係絕對唔係!!! 睇落去你就知 Wagyu Beef Cheek with Polenta and Brioche Toast $78 唔係誇張，呢3粒牛肉係我食過最好食既牛肉 真係煮得超好，根本上你唔駛咬 粒牛真係melt in your mouth，會係個口到化開架 配埋個汁同脆卜卜既多士 真係好食到要合埋眼享受 Pappardelle with homemade veal and pork meatballs and parmesan cheese $128 個肉丸用左牛仔肉同豬肉整 食落好嫩，有好香既肉味 肉丸面煎得脆脆地，入面就好有彈性 配埋D芝士食都唔會膩 另外個寬條麵好有彈性，而且軟硬度岩岩好 其實肉丸意粉都可以整得好細緻好好食 Spaghetti with Boston Lobster, Rosemary and Tomatoes $208 龍蝦超足料，唔似有d餐廳正係得一兩舊 肉質好爽又鮮甜 Homemade意粉比起寬條麵更加有彈性 咁食意粉最緊要就係個汁 呢個汁有好濃郁既龍蝦味 濃到好似龍蝦湯咁 但因為有蕃茄係入面，所以一d都唔heavy Coconut Mousse with Minestrone of Mango, Pineapple, Mint and Gin $68 最後叫左兩個dessert 因為我同男友都好中意食椰子甜品 所以對佢都好有期望 不過原來即係椰汁糕加左d生果 上面既生果用Gin浸過 不過我地覺得浸得過左龍 所以食果時會有d烈酒既苦味 椰子甜品都係glasshouse果個最出色 Ammo Tiramisu with Coffee Sponge Cake, Crispy Cocoa and Chocolate Sauce $68 食意大利野點唔可以唔叫tiramisu 呢到將tiramisu既元素拆開哂 每一樣野都做得好好 個海綿蛋糕有好香既咖啡味 比起傳統用咖啡浸既lady finger好食得多 而個mousse又勁滑同creamy 如果可以大碟d就好 Jazmin $110 (Home infused Jasmine Vodka, Apple, Lemon, Homemade Jasmine Syrup) 仲叫左杯Cocktail試下 茉莉花加左小小蘋果同檸檬 淡淡既花香加上果甜 成個感覺好清新，一d都唔似飲緊酒 我地對呢到好滿意 食物好有質素，感覺到係整得好用心好仔細 環境亦都好舒服 星期5晚都唔迫唔嘈 而且每個員工都好細心 你feel到佢地盡量唔想騷擾你 但又會好留意每個客人既需要 有機會會黎試下食lunch 因為日頭黎應該會有第2個感覺
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$400.00
| 商店 | AMMO |