|
奇味小廚
|
|
暴食小公主
2015-11-11
321
0
|
分享
收藏
| 其實小公主都好中意食麻甩小炒 因為夠獲氣，又唔駛食得咁拘謹 今次就試左港島都幾出名既奇味小廚 因為食得太愉快既關係 小公主今次唔記得左Mark低價錢 成晚埋單大概$900連酒水 打冷拼盤 賣相一流，有幾可個師傅會咁有上機排到咁靚上碟 不過味道呢就一般，可能因為呢到主打始終係小菜 不過佢地既紅腸值得一提，皮脆，肉又唔會過份淋 最怕d淋到好似腐肉咁既紅腸 雖然呢到係用鵝腎唔係鴨腎，都幾特別，不過味道就好淡 滷水豆腐質地都有d粗糙 唔知係咪個別事件呢，因為聽人講呢度d豆腐好正 或者下次再試下 生炒糯米飯 碟頭好勁，炒得好乾身，好香 港島人中意食糯米飯都一定識得灣仔強記 呢個飯同強記有得揮 花生又冇索晒d油，仲勁脆 臘腸潤腸份量一d都唔孤寒，正！ 墨魚餅 除左糯米飯，墨魚餅係今晚第2個驚喜 雖然賣相一般，但係食第一啖之後就停唔到 冇油益味之餘，仲食到粒粒墨魚，果然真材實料 皮脆肉爽，口感一流呀 碟頭又夠足，誠意推介！ 粟米班塊 魚肉炸到好香，外層仲係脆 唔會比個汁浸到淋哂成pat粉漿咁 男友話呢個餸係佢既童年回憶 因為佢細個有呢個送食既話，可以食3碗飯 佢唔係講笑，當晚都真係嗌多左碗飯得登撈埋d汁 仲話食到自己眼濕濕tim wor… (哈哈!!!) 啫啫芥蘭煲 雖然上菜嘅時候冇啫啫聲，不過都係勁熱，勁多煙 芥蘭非常嫩，肉碎夾雜左咸魚，好香口 個煲又係勁大，我地5個人都食左好耐先食哂 沙姜雞 本來我地係想食去骨沙姜雞，諗住特別d丫麻 咁唔知係我地嗌錯左定老細聽錯 最後黎左個有骨嘅，都照食啦 個雞係好食，不過就冇乜太大驚喜 肉質好滑，唔會太肥，唔錯 總括黎講，係間非常有誠意嘅小店 食物質素好好，尤其係小炒 佢好多野食，好多野都想試 奈何份量太大（連我小公主都覺得大 哈） 所以如果兩個人黎嘅話就要留意喇，小心眼闊肚窄呀 溫馨提示：呢到星期六係休息架
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$150.00
| 商店 | 奇味小廚 |