|
唐宮小聚。
|
|
暴食小公主
2015-09-09
472
0
|
分享
收藏
| 好耐之前係見到人Share個假既香菇包就已經好想黎試 上個月終於搵到時間黎食喇 前一日已經訂左位，所以上到黎都唔駛等 可能仲早，上到去都仲有好多吉枱 白色簡潔裝修配石紋餐枱，令到成個環境好光猛 因為餐廳好大，d枱唔會放到密密麻麻，好舒服 雖然安排既座位好近呢個半開放式既廚房 但係一d油煙味都聞唔到，抵讚 一坐低見到套餐具就已經好有驚喜 我相信一間連餐具都咁落心思既餐廳，食物係唔會差得去邊 白玉王鴿 ($38/隻) 因為當日有promotion gei關係，孔鴿只係$38一隻 咁抵食，無理由唔試既 雖然係特價茶，都無影響個質素架 孔鴿皮脆肉嫩，一d都唔油膩，正! 仲叫左個小聚拼盤($108)，可以點3個小食 首先有呢個雷椒茄子 茄子應該有先飛油，所以外皮仲保持鮮艷既紫色 而且茄子夾既時候唔會散開或者軟林林 配上特別既醬汁，辣辣地，真係好好食 另外點左一個醬腌黃瓜 味道方面呢，其實就係普通腌黃瓜 不過個汁唔會太酸，都唔錯 雖然味道方面無咩特別，不過其實佢地放左心機落去架 佢將黃瓜片開，再捲番埋 所以食既時候，係會一層一層咁，比起就咁切開既黃瓜更加爽脆 第3個小食我地點左沙薑豬手 點果時其實都怕有d'難食'，始終豬手有骨 要食得斯文真係有d難道 不過原來店家將每件豬手切得好細，咁就唔駛擔心喇 味道方面略嫌唔夠沙薑味 同埋佢應該加左小小花椒做調味，反而有dd怪 桂花豚肉 ($99) 豬肉炸得乾身，粉唔太厚 桂花糖食落比較清新同淡 加埋落d豬肉到無咁膩，不錯! 到最番就係期待已久既松露香菇 (3件/$49) 果然無負我期望，賣相已經唔駛講 一個包可以做到已假亂真，真係已經無得輸 食落去，個包鬆軟，內裡亦充滿松露同香菇獨特既香味 除左好好食，小公主都唔知可以講咩喇 待應全晚有禮貌有笑容 全程唔駛叫，自動fill茶 食物可能未係最完美，但食得出有落心思整 總結用餐環境，服務同食物都好有水準 小公主一定會搵機會再食多次
感謝 暴食小公主 提供以上資料 暴食小公主 的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$170.00
| 商店 | 唐宮小聚 Social Place |