|
質、量、價格俱佳嘅蛇蟹宴(上)
|
|
井底龜龜
2015-12-09
531
0
|
分享
收藏
| 11月頭收倒朋友Wilson WhatsApp ，話會搞個蛇蟹宴，問有問興趣參與？一睇食飯地方係九龍灣嘅大榮華圍村菜，即刻興趣大減，原因係我食過元朗大榮華老店好幾次，點心同埋小菜都覺得平平無奇，不過既然Wilson 叫到，而果晚亦冇乜野做，決定赴約！ 當晚延開六席，我問Wilson 呢個會唔會係佢商會搞嘅event ，點知佢話本來係屋企人生日叫左一圍，諗住一家人食飯，點知講開左好多商會嘅會員都有興趣，搞搞下變左六圍！ 當晚菜單 每圍HK$3,300，以上菜單包括五酲十年老花雕，唔包其他酒水，需加一。就咁睇菜單真係超抵，每位只係HK$300 ，淨係大閘蟹每隻四兩嗰啲，喺大閘蟹專門店都賣成7-80 蚊隻，呢圍菜每人有兩隻，蟹成本如果自己買都舊半水，自己去食野，食物性價比永遠係我選擇食肆嘅第一位，呢個亦係我決定參與呢個蟹蛇宴嘅重要因素！ 要同睇我呢段食評嘅朋友講聲唔好意思，因為同枱嘅朋友係唔識嘅，所以唔係幾好意思相機食先，隨左大閘蟹外，都冇影食物相。 以下係每道菜評語 清蒸大閘蟹(24隻公) 蟹並唔係我特別喜歡嘅食材，自己點菜唔會叫，同埋以前食親蟹都會整損個嘴，所以自己好少點！呢個蟹賣相好靚，蟹身飽滿，金毛利抓，記得以前報紙介紹過話魚塘養嘅蟹毛色深啡同埋蟹抓較頓，如果佢地講法正確，咁呢隻一定係湖蟹！ 先食抓，鮮甜！每隻蟹腳都好好肉，蟹嘅膏都飽滿甘香，配以薑絲陳醋同食，更有風味！ 蛇絲手打鯪魚球 鯪魚球煙靱彈牙，鯪魚滑新鮮固然重要，打魚滑嘅手勢亦好重要，聽我媽子話一定同一方向攪拌魚肉，即順或者逆時針，如果唔係魚肉會非當鬆散，呢個魚肉師傅做得好出色！喺丸裏面嘅蛇絲好鮮味，但就有啲靱！ 砂窩花膠絲燴蛇絲生翅 湯頭本身好濃，料足到不得了，每羹 |
~END~
人均
$300.00
| 商店 | 大榮華圍村菜 (九龍灣店) |