|
冰室 - 專注的食肆
|
|
井底龜龜
2015-12-12
522
0
|
分享
收藏
| 冰室 - 呢種食肆喺香港可謂買少見少。有唔少香港人將冰室同茶餐廳歸類為同一食肆，但對我嚟講冰室比茶記多左一份專注，賣野貴精不貴多，傳統冰室食物選擇可能只有二十零種，所以佢地可以好專注咁做好呢啲食物，同時亦因為用料集中，所以食材流轉速度快，啲材料保証新鮮。 今日我特登揀左上水口碑好好，開左估計最少五十年嘅廣成冰室試下！ 室內裝修懷舊風味十足，無論室內裝修，餐牌設計，以至汽水柜呢啲室內應用物品都帶有濃厚六七十年代嘅懷舊色彩！ 請注意，我當日幫趁時間係中午兩點，室內爆滿之餘外面仲不斷有人等位，以一間開喺橫街頭尾嘅冰室嚟講係超好生意！人氣真係爆燈！我亦偷偷慶幸，我只係喺門口等左五分鐘就入倒去。 望住餐牌，數數手指連食品種類包括早餐及茶餐都只有二十一款！選擇少但食客多，即係質素好。我成日覺得食肆貪多務得，會影響質素，專注先能夠確保出品質素。 九成食客都叫茶餐，我都唔例外，睇下有乜野咁正，咁多人食先。 茶餐 HK$33 有牛肉通粉、蛋治同埋熱飲 牛肉通粉 賣相唔錯，牛肉擺哂通粉上面。有兩條薑絲放面，好似靚仔左好多！聞一下，好重薑味，亦有牛肉香味。湯面有熟牛血，即係話湯係同生牛肉同煮，飲啖先！湯底好鮮甜，有牛肉同薑味，超讚！未喺第度食過呢個味道。湯底係好鮮甜，未放牛肉前肯定已經好好味，但佢地係用咩煲嘅呢？直到飲哂啲湯個刻都講唔出，真係失敗！牛肉當然係用食粉 - 即係疏打『毑』過，中餐館做牛肉基乎必用，但落粉都分高低手，太少牛肉依然靱，太多肉会焾哂，冇 |
~END~
人均
$33.00
| 商店 | 廣成冰室 |