半自助式部隊鍋 SeeWide

放左工入黎將軍澳探朋友，落樓下商場食晚飯，揀左黎漢陽樓打邊爐。

朋友講話呢間舖好大，就算等位都好快，同最正係佢個半自助放題不限時，唔使驚掛住吹水未食飽就夠鐘交枱。
漢陽樓韓國料理的相片 - 將軍澳)

要左火鍋放題，部隊鍋泡菜湯底，滿滿一鍋賣相唔錯。有午餐肉，茄汁豆，芽菜，白菜，年糕，大蔥等，幾足料。
漢陽樓韓國料理的相片 - 將軍澳)

仲有韓版辛辣麵

預先訂坐會送一客牛肩肉($18)，牛脂分布均勻，色澤唔錯喎，急不及待啦。
漢陽樓韓國料理的相片 - 將軍澳)

飲品自己拎，有一般汽水外，仲有豆漿，酸梅湯等。
漢陽樓韓國料理的相片 - 將軍澳)

等緊火鍋水滾其間，出去攞下野食先，有壽司呀～款式雖然唔多，但無雪到硬實實，都幾好。
漢陽樓韓國料理的相片 - 將軍澳)

仲有炸野同其他熱食，掛住食無影相……都ok啦，正常味，一般自助形式都係咁上下。
漢陽樓韓國料理的相片 - 將軍澳)

水滾了，梗系要食牛肉先啦，好正，肉味濃又有口感，無太肥，食多幾塊都唔覺膩，正
漢陽樓韓國料理的相片 - 將軍澳)

自助火鍋配料有菇，粟米，菜同什丸，朋友大愛粟米，佢話打邊爐一定要有呀！
漢陽樓韓國料理的相片 - 將軍澳)

飽左七成係時候食麵，泡菜湯底煮麵正呀，彈牙又帶少少辣～
漢陽樓韓國料理的相片 - 將軍澳)

食飽左梗係要拎甜品，都幾多款，椰汁糕，西米糕，芒果布甸咁，仲有新鮮火龍果，甜甜地幾正喎，食完咸野食甜品特別好味。
漢陽樓韓國料理的相片 - 將軍澳)

一人份嘅芒果糯米飯，芒果好甜，又多椰汁，好味。
漢陽樓韓國料理的相片 - 將軍澳)

最後邊吹水邊食雪糕，有薄荷，士多啤梨，芝麻同雲呢拿，雪糕雪得硬身，望落幾乾淨，放膽食哈哈，出面好多自助雪糕櫃啲雪糕半滆咁好得人驚㗎。

食得好飽吖，下次可黎試下任食嘅韓燒先。

============================================

感謝 yuchiro 提供以上資料

============================================

~END~

人均 $200.00

商店	漢陽樓韓國料理 Han Yang Ru Korean Restaurant


(0)	(0)	(0)